Փաստ ինֆո

Էդ ո՞նց եղավ, որ երբ Ձեզ պետք ա ԲՀԿ-ն լավ ուժ է, Գագիկ Ծառուկյանը խոշոր սեփականատեր ա, իր տանը կարելիա գնալ քեֆ անել ու հետո գալ ասել, որ բա իմացել եք՝ ինչ ա եղել։ Արդյոք օրենքի ընտրողաբար կիրառման հանգամանք չկա։ Այս մասին այսօր ԱԺ-ում ասաց «Լուսավոր Հայաստան» խմբակցության ղեկավար Էդմոն Մարուքյանը։

«Իսկ ընդհանրապես ո՞վ է մեզ՝ «Լուսավոր Հայաստան»-ին կանգնեցրել այս բարդ ընտրության առաջ։ Երբ հուշագիր էիք կնքում, պարտավորվում էիք մարդու իրավունքները միասնական պաշտպանել, այդ ժամանակ ճանաչել եք այդ մարդկանց լեգիտիմությունը, հիմա ո՞նց եք ռեվերս անում։ Կա այս գործի նկատմամբ քաղաքական հսկողություն։ Էդ ո՞նց եղավ, որ ձեր նախարարների մոտ հայտնվում է քրեական գործի նյութերը։ Տիկին Թանդիլյանին հարցնում եմ, ասում եմ՝ դու ֆինանսավարկային և բյուջետային հանձնաժողովի նախագահն ես, կարո՞ղ է քեզ էլ տվել էս նյութերից, դու էլ ունենաս։ Բա ո՞նց եղավ, որ պաշտոնատար անձանց բաժանվել է այս նյութերից, և դուք հրապարակում եք նախաքննության գաղտնիք հանդիսացող նյութերը։

Քաղաքական չի՞։ Էդ ե՞րբ է Հայաստանի պատմության մեջ եղել, որ քրեական գործի նյութերը բաժանեն քաղաքական մարդկանց, նրանք էլ սկսեն հրապարակել։ Ես անգամ էդ ռեպրեսիաների ժամանակ չեմ հիշում նման բան։ Մենք գնահատում ենք, որ այստեղ կա լուրջ քաղաքական խնդիր։ Այն ժամանակ քաղաքական մեծամասնությունը գոնե ելույթներ էր ունենում, ելույթ էլ չենք ունենում, գոնե իմանանք՝ ինչ եք մտածում»,-ասաց Էդմոն Մարուքյանը։

Վերջինս նշեց, որ «Լուսավոր Հայաստան» խմբակցությունն այս քվեարկությանը չի մասնակցելու։

Աղբյուր` Փաստինֆո