Փաստ ինֆո

Երբ դուք երկու տարի առաջ հեղափոխությունից անմիջապես հետո հուշագիր էիք ստորագրում Գագիկ Ծառուկյանի հետ, երբ Նիկոլ Փաշինյանը կարմիր ժապավեններ էր կտրում նրա ուղեկցությամբ, և երբ մասնակցում էիք Գագիկ Ծառուկյանի դստեր հարսանիքին այդ ողջ ընթացքում դուք տեղյակ չէիք նա ենթադրյալ հանցագործ լիելու մասին։ Հնչեցված հարցադրումներին ի պատասխան ԱԺ Իմ քայլը խմբակցության քարտուղար Լիլիթ Մակունցը կոչ արեց չնույնականացնել քաղաքական և իրավական հարթությունները. «Եթե ձեր նշած հուշագիրը կամ քաղաքական բնույթի այլ համագործակցությունները որևէ կերպ կարող են կաշկանդել իրավապահ մարմիններին, ապա կարծում եմ, մենք այստեղ խնդիր ունենք քաղաքական և իրավական խնդիրները զատելու մասով։ Այսինքն, տեղի է ունեցել իրավական գործընթաց, որի առնչությամբ հիմքեր ունենալով պայամանվորված, դատախազութունն իր լիազորույունների շրջանակներում միջնորդություն է ներկայացրել ԱԺ և Ազգային Ժողովն առաջնորդվելով օրնքով նախատեսված կարգով, պետք է որոշում կայացնի ՝ արդյո՞ք հնարավորություն տալիս է լիարժեք քննության, թե՞ ոչ։ 

Անդրադառնալով այն նկատառմանը, թե ընդամենը մի քանի օրում Գագիկ Ծառուկյանի դեմ չորս դատական գործ առաջադրելու փաստն արդյո՞ք կասկածներ չի հարուցում, որ այս ամենը կարող է պայմանավորված լինել նրա կողմից որդեգրված ընդդիմադիր կեցվածքով, Լիլիթ Մակունցը պատասխանում է. «Անձամբ ես այն համոզմունքին եմ, որ ԲՀԿ խմբացության ղեկավարի կողմից քաղաքական հայատարարությունը հնչել է այն բանից հետո, երբ ինչ – ինչ ճանապարհներով նրան են հասել տեղեկություններ այն մասին, որ արդեն իսկ իրավական դաշտում որոշակի խնդիրներ կան, հետևաբար, քաղաքական հայտարարությամբ հանդես գալն իրականում իր կողմից վահանա էր, այս ամենի քաղաքական հետապնդման երանգ հաղորդելու համար»։

Աղբյուր` Փաստինֆո