Փաստ ինֆո

«Երեկ մեր խմբակցության նիստի ընթացքում որոշում ենք կայացրել, որ ուսումնասիրելով դատախազության կողմից ներկայացված միջնորդությունը, ինչպես նաև, այսօր հետևելով դատախազի ելույթին, քննարկումներին և հարցուպատասխանին, եկել ենք այն համաձայնությանը, որ պատգամավորները կքվեարկեն իրենց խղճի և համոզմունքի համաձայն։ Առաջնորդվելով ԱԺ պատգամավորի կոչման և առաքելության սկզբունքով՝ նրանք փակ քվեարկությամբ կարտահայտեն իրենց կարծիքը։

Արդյո՞ք խմբակցության ներսում եղել են դեմ արտահայտվողներ կամ գործընթացի իրավականության վերաբերյալ մտահոգություն արտահայտող պատգամավորներ հարցին Լիլիթ Մակունցը պատասխանեց. «Քանի որ նիստը փակ ընթացակարգով է եղել, ապա դրա բովանդակությանն անդրադարձ չեմ կատարի, բայց արդեն նշեցի, որ խմբակցության պատգամավորները քվեարկելու են իրենց խղճի և համոզմունքներին համապատասխան։ Նման հարց հնչեցնելով դուք ինձ հրահրում եք այնպիսի պատասխանի, որը կարող է կաշկանդել որոշ պատգամավորների»։

Նկատառմանը, որ Իմ քայլը խմբակցությունը միայնակ եք մնացել այս որոշման կայացման մեջ, որովհետև ընդդիմադիր խմբակցությունները հայտարարել են, որ չեն մասնակցի քվեարկությանը, ապա տվյալ պարագայում եթե դեմ արտահայտվողներ լինեն, արդյո՞ք պատասխանատվության կենթարկվեն հարցին Լիլիթ Մակունցը զարմացած հակադարձեց. «Եթե խոսում ենք ԱԺ պատգամավորների համոզմունքների մասին, ապա ի՞նչ պատասխանատվության մասին է խոսքը կամ ինչպե՞ս կարող է նման բան տեղի ունենալ առհասարակ»։

Մանրամասները՝ տեսանյութում։

Աղբյուր` Փաստինֆո