Փաստ ինֆո

Ինչպես երևում է գործող իշխանությունները շատ արագ ընտելացել են հին մեթոդներին և խուսափեցին ճիշտ ընկալել իրականությունը, ընդունել ձախողումները և օգնության դիմել նրանց, ովքեր կարող էին սթափ գնահատել իրավիճակը։ ԱԺ-ում այս մասին ասաց «Բարգավաճ Հայաստան» խմբակցության պատգամավոր Շաքե Իսայանը։

Պատգամավորը նկատեց՝ իշխանությունը և նրա ներկայացուցիչներն օգտվում են մանիպուլյացիոն խողովակների անազնիվ մեթոդներից.

«Նախաքննության գաղտնիք հանդիսացող փաստաթուղթը հայտնվում է իշխանական պատգամավորների, նախարարների, լրատվամիջոցների ֆեյսբուքյան պատերին, ովքեր իրար հերթ չտալով հրապարակում են այն, մինչդեռ այն չի տրամադրվում Գագիկ Ծառուկյանի փաստաբանական խմբին։ ԱԱԾ-ի նախաքննության գաղտնիք կազմող այսպես կոչված ապացույցներն այս իշխանությունների օրոք ազատ շրջանառվում են սոցիալական ցանցերում և մամուլում։ Սա այն ամենն է, ինչ պետք է իմանալ այսօրվա իշխանությունների ժողովրդավարության պատկերացումների մասին։ Եթե իրենց պատկերացրած ժողովրդավարությունը քաղաքական հայտարարության համար քրեական հետապնդում սկսելն է, ապա այս պետությանն առաջիկայում լրիվ այլ ռեժիմ է սպասվում»,-ասաց պատգամավորը։

Նա նշեց, որ միջնորդագրում չի ներկայացվել որևէ վերաբերելի փաստական տվյալ, որը կհաստատի Գագիկ Ծառուկյանի առնչությունը ենթադրաբար ընտրակաշառք բաժանելու արարքին։ Շաքե Իսայանը նկատեց, որ քննությամբ ձեռք չեն բերվել ապացույցներ, որոնք ուղղակիորեն կարող են վկայել ընտրողներին կաշառք տալու նպատակով Գագիկ Ծառուկյանի կողմից կազմակերպված խումբ ստեղծելու և ղեկավարելու մասին. «Միջնորդագրի 8-րդ էջում օգտագործել եք մեղադրյալ դատավարական եզրույթը, ինչու եք պատգամավոր Գագիկ Ծառուկյանին բնորոշել որպես մեղադրյալ, երբ ԱԺ-ից հայցում եք քրեական հետապնդման համաձայնություն։ Միայն գրելով չի պարոն դատախազ, այս հարցերի պատասխան պետք է տաք և այդ ժամանակը գալու է։ Մենք քաղաքական մարմին ենք և պատգամավորական անձեռնխելիության նպատակը քաղաքական հետապնդումից ընդդիմությանը պաշտպանելն է։ Այսպես կոչված ապացույցները քաղաքական կշեռքի վրա կշռելն է։ ԲՀԿ-ն և իր համախոհները մեկ գիշերում չեն վերանալու։ Մենք շարունակելու ենք Գագիկ Ծառուկյանի սկսած պայքարը և եթե նույնիսկ խմբակցության բոլոր անդամների նկատմամբ քրեական գործեր կարվեն, մեր համախոհները փողոցում շարունակելու են պայքարը»,-ասաց պատգամավորը։

Վերջինս ընդգծեց՝ քիչ առաջ ԱԺ բակից, երբ Գագիկ Ծառուկյանը դեռևս անձեռնմխելի էր, նրան բերման ենթարկեցին, մինչդեռ առանց ԱԺ-ի համաձայնության անձնական ազատությունը չէր կարող սահմանափակվել։ի չմեկնաբանվի որպես քաղաքական ուղղորդում իրավական համակարգին և կան իսկապես սրբորեն պահպանվող անմեղության կանխավարկածի ոտնահարում։ Հեշտ է հանդես գալ կառավարության հրաժարականի պահանջով, երբ վաղուց արդեն հարուցված են իրավական գործընթացներ, որոնք կարող են հանգեցնել քո այս կամ այն կերպ մասնակցությանը օրենքով արգելված որևէ արարքի։ Ականջահաճո՞ է մեզ համար, որ որևէ մեկը, որևէ ընդդիմադիր ուժի ներկայացուցիչ կամ ղեկավար պահանջում է կառավարության ղեկավարը։

Ո՛չ, բայց դրա իրավունքն ունեն ՀՀ բոլոր քաղաքացիները»,-ասաց ԱԺ նախագահը։

Վերջինս նկատեց՝ չի կարելի շանտաժ անել աշխատատեղերի փակմամբ, հնարավոր կամ անհնար ներդրումներով, հեղափոխությանը ցուցաբերված կամ չցուցաբերված աջակցությամբ և ձեռքերն ազատել օրենքի առջև որևէ պատասխանատվությունից։ Արարատ Միրզոյանն ասաց, որ լիահույս են՝ քննությունը կհանգեցնի նրան, որ կպարզվի՝ Գագիկ Ծառուկյանը մեղք չունի իրեն մեղսագրվող արարքում. «Այդպիսի զարգացման դեպքում որևէ պատգամավոր գործընկերոջը հետ կողջունենք նորից խորհրդարանում»,-ասաց Արարատ Միրզոյանը։

Աղբյուր` Փաստինֆո