Փաստ ինֆո

Երեւանի քաղաքապետ Հայկ Մարությանը հանցագործ է որակել դիմակ չկրող քաղաքացիներին։

«Ուզում եմ մի երկու բառով ձեզ հետ խոսել վարքագծի այն կանոնների մասին, որ մենք ունենք և պետք է ունենանք այս պահին - այսօր պարետատան նիստից հետո տեղի ունեցող ճեպազրույցի ընթացքում ասել է Երևանի քաղաքապետ Հայկ Մարությանը և հավելել,-դիմակների կրումն իսկապես այն փրկողակն է, որ մենք կարող ենք ունենալ ինքներս մեզ համար։

Իմ խնդրանքը ձեզանից անհնար բան չէ, դա այն է, ինչ ես անում եմ արդեն երեք ամիս՝ մարտից սկսած։ Ես ամեն օր տանից դուրս գալիս դիմակ եմ հագնում, որպեսզի ինքս դիմացինին չվարակեմ և սա աշխատում է։ Եթե անհրաժեշտություն չկա, իմ ընտանիքի անդամները տանից դուրս չեն գալիս, երեխանես շուրջ երեք ամիս տանից դուրս չեն եկել։ Ծնողներիս ավելի քան երեք ամիս չեմ տեսել, որովհետև ուզում եմ պաշտպանել իրենց։

Այո, դժվար է, մեր սովորած հասարակ կյանքից դժվար է, բայց սա հասարակ ժամանակ չէ, այլ համաճարակ է։ Մենք պետք է այս օրերին մի քիչ նեղություն տանք ինքներս մեզ, ավելի ուշադիր լինենք։ Դիմակ չկրելը հերոսություն չէ, հակառակը։ Եթե դուք վարակակիր եք և այդ մասին չգիտեք ու դիմակ չեք կրում, ուրեմն հազար ներողություն դուք հանցագործ են ինձ համար»։
Մանրամասները՝ տեսանյութում։

Աղբյուր` Փաստինֆո