Փաստ ինֆո

ԲՀԿ առաջնորդ Գագիկ Ծառուկյանն ԱԱԾ շենքում մի քանի ժամ հարցակննվելուց  հետո ազատ արձակվեց: Հավաքված կողմնակիցները վանկարկում էին «Ծառուկյան»:

Նա հայտարարեց, որ իր նկատմամբ իրականացվող գործընթացները քաղաքական են: «Ես այդպես չէի դիտարկի, եթե դրանք տեղի չունենային իմ ելույթից հետո», - ասել է Ծառուկյանը:

«Այս ամենը քաղաքական  դրդապատճառներ ունի և կապված իմ կողմից արված հայտնի հայտատարության հետ»- ընդգծել է  ԲՀԿ առաջնորդ Գագիկ Ծառուկյանը և հավելել,-մենք շարունակելու ենք մեր պայքարը»:

«Փաստինֆո»-ի թղթակցի հաղորդմամբ` Ծառուկյանն ասել է, որ այսօր այլ հարցերի չի պատասխանելու: Նշենք, որ ԱԱԾ-ի շենքի մոտ հավաքվել են մեծ քանակությամբ կողմնակիցներ ու ոստիկանական աննախադեպ մեծ ուժեր` կարմիր բերետավորներ:

Հիշեցնենք, որ այսօր՝ առավոտ վաղ ԱԱԾ-ն խուզարկություն էր իրականացնում ԲՀԿ առաջնորդ Գագիկ Ծառուկյանին պատկանող առանձնատանը, որից հետո վերջինս մասնակցեց ժամեր տևած հարցաքննությանը: Տեղեկացնենք նաև, որ Բարգավաճ Հայաստան կուսակցության պատգամավորների պնդմամբ, Գագիկ Ծառուկյանի նկատմամբ իրականացվող գործողություններն  անմիջականորեն կապված են կուսակցության որդեգրած ընդդիմադիր կեցվածքի հետ: Ավելի վաղ Բարգավաճ Հայաստան կուսակցության պատգամավորները հայտատարել էին, որ պատրաստ են  դեպքերի զարգացման ցանկացած  սցենարի և յուրաքանչյուր պարագայում իրենց պայքարը չեն դադարեցնելու: Իշխանություններին և մասնավորապես վարչապետ Նիկոլ Փաշինյանին  Բարգավաճ Հայաստան կուսակցության պատգամավորները խորհուրդ տվեցին չշարունակել ճնշումների բանեցման  քաղաքականությունն ու անցնցում հեռանալ:

Աղբյուր` Փաստինֆո