Փաստ ինֆո

«Երբ այն երիտասարդները, ովքեր  հանուն իրենց հավատամքի և ցանկության՝  երկրի տերը դառնալու, փակում էին փողոցներն ու իրենց ուսերի վրա իշխանության էին բերում Նիկոլ Փաշինյանին,  չգիտեին, որ իրենք չեն լինելու տերն իրենց երկրի:  Նրանք չգիտեին, որ  դառնալու են  ոչ հպարտ հպատակները՝  Նիկոլ Փաշինյանի և իր ընտանիքի, - այսօր Ստի վերջը շարքի 9-րդ՝ «Շղթաներից փախած ֆեոդալը» թողարկման ընթացքում հայտարարել է Սուրբ Աթոռում նախկին դեսպան Միքայել Մինասյանը և հավելել,-այն,  ինչ հիմա կատարվում է մեր երկրում,  բացարձակապես ոչ մի աղերս չունի որևէ ժողովրդավար պետության հետ:

«ՀՀ-ում չկա այդպիսի պաշտոն, որը Նիկոլ Փաշինյանի ընկալման մեջ դարձել է պարետ կոչվածը: ՀՀ-ի Սահմանադրությունը չի ընկալում պարետին այն ընկալման  մեջ, որն ունի Նիկոլը, որովհետև նա հորինել է այդ պաշտոնը: ՀՀ օրենքներով պարետը մի մարդ է,  որը պետք է կոորդինացնի պարետատան աշխատանքները:  Եվ երբ հիմա գալիս և պարետի անունից սրճարան են փակում, դա մոտավորապես  նույն բանն է,  երբ միջնադարում գալիս էր ֆեոդալն ու   ասում, որ  ինքը  որոշել է քո  սրճարանը  փակի: Երբ Նիկոլ Փաշինյանը ֆեյսբուքով գրում է,  որ պարետի որոշումով ժողովուրդը պետք է դիմակ կրի, ուրեմն,  երբ պարետի այդ որոշումն ու Փաշինյանի ֆեյսբուքյան գրառումը հանես, չի մնա ոչ մի նորմատիվ ակտ, որ ստիպում է մարդուն  դիմակ  կրել:Բացի դրանից,  ոստիկանը,  ով  դիմակ չկրելու համար մարդուն տապալում է գետնին, չունի ոչ մի իրավասություն դա անելու: Ավելին ասեմ՝  չկա ոչ մի իրավունք մարդկանց  դիմակ չկրելու համար տուգանելու,  որովհետև դրա  հիմքում  չկա ոչ մի օրնսդրական բազա՝ դիմակի պատմության համար: Ստացվում է, որ այս մարդիկ ՀՀ-ին վերաբերում են որպես սեփական դուքյանի: Մեր երկրի տերը խելագար Արտավազդն  է,  որի շղթաները կրծում են կատաղած շները և  որը 2000 տարի հետո փախել է քարանձավից: Դարբինները պարբերաբար  գալիս ու ամրացնում էին նրա շղթաները, բայց այս անգամ  ուշացան և Արտավազդը տիրացավ մեր երկրին՝ տարածելով քաոս և օրենքների բացակայություն ՝ իր կատաղած շների և հորինած օրենքների  հետ հարձակվելով հայ ժողովրդի վրա»:

Աղբյուր` Փաստինֆո