Փաստ ինֆո

Այսօր փողոցում տեսնում էի քայլող մարդկանց և քանի որ այցելել եմ Նորք ինֆեկցիոն հիվանդանոց և Սբ. Գրիգոր Լուսավորիչ բժշկական կենտրոններ, փողոցում քայլող մարդկանց էի տեսնում ու այնպիսի զգացողություն էր, որ այդ մարդիկ քայլում դեպի վերակենդանացման բաժանմունք։ Այս մասին այսօր ֆեյսբուքյան ուղիղ եթերի ժամանակ ասաց ՀՀ վարչապետ Նիկոլ Փաշինյանը։

«Ուզում էի կանգնեի ասեի՝ հարգելիս ուր ես գնում։ Ուզում էի ասեի կանգա ռաեք ժողովուրդ ջան։ Սենց մենք գնում ենք դեպի շատ վատ տեղ։ Մտածում եմ, որ սա արդեն ոչ թե կորոնավիրուսի հետ կապված հարց է, այլ այս պրոբլեմը պետք է հասկանանք մեր հոգեբանական, ազգային հոգեբանական շերտերի մեջ։ Ես եկել եմ այն հետևության, որ այս ամենը մեր հավաքական վերաբերմունքն է մեր պետական կարգի նկատմամբ։ Մենք ավելի քան 500 տարի և ըստ էության ավելի շատ պետականություն չենք ունեցել և պետական կարգը մեզ համար միշտ եղել է օտար։ Այսինքն մենք չենք ունեցել պետական կարգ դարեր շարունակ։ Չենք ունեցել այնպիսի պետական կարգ, որը մեզ հարազատ կհամարենք։ Մեզ համար մեր պետությունը և պետական կարգը հարյուրամյակներով եղել է ինչ-որ օտարածին և օտարի կողմից պարտադրված ինչ-որ բան»,-ասաց Նիկոլ Փաշինյանը՝ ընդգծելով, որ հարյուրամյակներ շարունակ պետական կարգը մեզ համար եղել է օտար և ուրիշի կողմից պարտադրված։

Վարչապետը նկատեց՝ պետական կարգը երկար ժամանակ մեր գիտակցության մեջ ասոցացվել է բռնության հետ։ Այսինքն մի բան, որ բռնությունով, մեր արժանապատվությունը նվաստացնելով, ոտնահարելով հաստատվել է ուրիշի կողմից բռնությամբ։ Ընդ որում շատ հաճախ այդպես եղել է նաև Երրորդ Հանրապետության մեջ. «Կարգը հակադրված է եղել մեր կամքին։ Նունիսկ եթե համակերպվել ենք, խորքում իմացել ենք, որ մեր կամքն ուրիշ բան է, այսինքն մեր ուզածն ուրիշ բան է։ Հետևաբար պետական կարգը ոչ թե մեր ազատության գործիքն է եղել, այլ եղել է մեզ ազատությունից զրկելու գործիք։ Մենք պետական կարգն ընկալել ենք ոչ թե մեր ազատությունը պաշտպանելու գործիք, այլ ընկալել ենք որպես մեզ ազատությունից զրկելու գործիք»,-ասաց վարչապետը։

Աղբյուր` Փաստինֆո