Փաստ ինֆո

Պաշտոնական շրջանակից տեղեկատվությունը միշտ ասոցացվել է խաբեության, ստի հետ։ Այս մասին ֆեյսբուքյան ուղիղ եթերում ասել է վարչապետ Նիկոլ Փաշինյանը։ 

«Մեր երկարատև պատմության ընթացքում միշտ եղել է հետևյալ իրողությունը՝ պաշտոնական մակարդակից երբեք ճշմարտություն չի հնչել․Այսինքն՝ պաշտոնական շրջանակից տեղեկատվությունը միշտ ասոցացվել է խաբեության, ստի հետ»,- ասել է Փաշինյանը։

Նրա խոսքով՝ միշտ ճիշտ ինֆորմացիայի աղբյուր է համարվել այն, ինչը չի տեղավորվում պաշտոնական հաղորդակցության մեջ։ «Ամենատարբեր խոսակցությունները, բամբասանքները, բիսեդկայի խոսակցությունները, ծանոթիս ծանոթը 100 տոկոսով գիտի, ծանոթիս ծանոթի ծանոթը էսինչի ծանոթն է ու ինքն ասել է, որ ճշմարտությունը սա է։ Դա ավելի հավաստի է համարվել, քան պաշտոնակաան աղբյուրներից հնչողը։ Հիմա չնայած ակնհայտ է, որ գոնե կորոնավիրուսի հետ կապված պաշտոնական աղբյուրների ինֆորմացիան ճիշտ է, բայց այդ հոգեբանական դիմադրությունը շարունակում է գոյություն ունենալ»,-ասաց Փաշինյանը՝ հավելելով․«Դրա համար էն ծանոթի ծանոթը, որը 100 տոկոսով գիտի, որ ՀՀ-ում կորոնավիրուս չկա, դա ավելի հավաստի է, քան 100-ավոր մահերի մասին, հազարավոր վարակվածների մասին պաշտոնական տեղեկատվությունը»։

Ըստ նրա՝ մարդը ունի ենթագիտակցական դիմադրություն որեւէ պաշտոնական աղբյուրի ինֆորմացիայի նկատմամբ: Նրա խոսքով՝ մարդու մոտ ենթագիտակցական հիշողությունը նստած է, որ այն ինչ ասում է «Վրեմյան», այն ինչ ասում է «Լրաբերը» այնքան էլ ճշմարտություն չէ։

Աղբյուր` Փաստինֆո