Փաստ ինֆո

«Հայաստանն այսուհետ կարող ենք հանգիստ կոչել Փրկիչ Նիկոլ Իջևանցու ֆեոդալ տարածք, որովհետև, երբ ժողովուրդը գոռում էր՝ մենք ենք տերը մեր երկրի, ժողովուրդը չգիտեր, որ իրականում, ինքը ստրուկն ու ծառան է Նիկոլ Փաշինյանի,- այսօր Ստի վերջը շարքի 9-րդ՝ «Շղթաներից փախած ֆեոդալը» թողարկման ընթացքում հայտարարում է Սուրբ Աթոռում նախկին դեսպան Միքայել Մինասյանը և պարզաբանում,- Նիկոլ Փաշինյանը կարողանում է մեկ օրվա ընթացքում փոխել ՀՀ-ում կարևորագույն պաշտոնիաներին, առանց փորձ անելու՝ պարզաբանել, թե ինչո՞ւ է, օրինակ  ինքը փոխում ԱԱԾ տնօրենին և նշանակում ոմն երիտասարդի:

Անհասկանալի է, թե ինչո՞ւ նա այդ աստիճան թքած ունի ժողովրդի կարծիքի վրա: Նույն կերպ անհասկանալի է նաև, թե ինչո՞ւ է նա նախ բանավոր թույլտվություն տալիս ՊՆ ԶՈւ  գլխավոր շտաբի նախկին պետին կազմակերպել որդու հարսանիքը, այնուհետև մեկ օր հետո, առանց որևէ բացատրություն տալու, հեռացնում է պատերազմող երկրի գլխավոր շտաբի պետին: Իսկ պատասխանը շատ պարզ է, որովհետև նախկին  գլխավոր շտաբի պետը պահանջեց հնարավություն պատասխանելու ինձ, որովհետև ՀՀ-ն ներգրավված է զենքի միջազգային վաճառքի խայտառակ պատմության մեջ, որը գնալով ավելի ու ավելի մեծ  խնդիրներ է հավաքում իր շուրջ:

Նիկոլ Փաշինյանը չցանկացավ իր ժողովրդին բացատրել, թե  ինչո՞ւ է նա փոխում ՊԵԿ նախագահին՝ վտանգելով բյուջեն, որովհետև երբ  նա արդեն չկարողանա վճարել աշխատավարձերն ու թոշակները, իսկ այդ օրը շատ մոտ է, ցավոք, մենք պարտավոր ենք հիշել, որ նա ազատեց Դավիթ Անանյանին, ով խնդրում էր գոնե ձևական գործ հարուցել մաքսանենգ ծխախոտի  սկանդալի շուրջ, որովհետև խնդիր կա: Նա այդ պաշտոնին նշանակեց մի մարդու ով հերքում է այդպիսի գործի առկայությունը և քանի դեռ Ռուսաստանի Դաշնությունում քրեական գործ չի հարուցվել, մենք էլ չեն հարուցելու:

Նա առանց որևէ բացատրության փոխեց նաև Ոստիկանապետին , որովհետև ոստիկանները համարձակվել էին կպնել Նիկոլ Փաշինյանի ընկերներին: Իհարկե չի կարելի ամբիցիաները բավարարելու համար ոստիկանապետ փոխել, բայց փոխել Կարգին Հայկոյի մտերիմ ընկերոջն ու նշանակել իր համադասարանցուն՝ նույնպես չի կարելի»:

Մանրամասները` տեսանյութում

Աղբյուր` Փաստինֆո