Փաստ ինֆո

ՀՀ արդարադատության նախարարի պնդումները, թե կորոնավիրուսի համավարակի պայմաններում Քրեակատարողական հիմնարկներն ամենաանվտանգ վայրերն են, այլևս արդիական չէ։ Կորոնավիրուսն արդեն ներթափանցել է փակ տարածքներ հանդիսացող վայրեր, այդ թվում՝ ՔԿՀ-ներ։ 

«Փաստինֆո»-ի տեղեկություններով՝ թեստավորումներ ն իրականացվել թե՛ ՔԿՀ առանձին աշխատակիցներ, թե՛ կալանավորներ և դատապարտյալներ, որի արդյունքում կորոնավիրուս է հայտնաբերվել 8 տարբեր ՔԿՀ-ներում։

Այսպես՝ մեր տեղեկություններով՝ «Երևան-Կենտրոն» ՔԿՀ-ում կամ ավելի հայտնի «ԱԱԾ մեկուսարանում», որտեղ պահվում է ՀՀ երկրորդ նախագահ Ռոբերտ Քոչարյանը, կորոնավիրուս է հայտնաբերվել հիմնարկի աշխատակիցներից 2-ի մոտ։ Նշենք, որ «Երևան-Կենտրոն» ՔԿՀ-ից 11 կալանավորված անձ, որոնք գտնվում են համավարակի խոցելի խմբում, տեղափոխվել են այլ ՔԿՀ։

«Նուբարաշեն» ՔԿՀ-ում կորոնավիրուս է հայտնաբերվել 1 աշխատակցի, «Վարդաշենում»՝ 9-ը աշխատակցի մոտ։ Նշենք, որ վերջերս հենց այս ՔԿՀ է տեղափոխվել խոցելի խմբում գտնվող ՊԵԿ նախկին նախագահ Գագիկ Խաչատրյանը։

«Կոշ» ՔԿՀ-ում կորոնավիրուսը հաստատվել է 1 դատապարտյալի եւ 5 աշխատակցի մոտ, եւս 5 դեպք կա՝ «Սևան» ՔԿՀ-ում, 3-ը՝ «Աբովյան» ՔԿՀ-ում, 3-ը՝ «Հրազդանում», 1-ը՝ «Արմավիրում»։

Նկատենք, որ վարակակիրների մեծ մասը աշխատակիցներն են, որոնք պոտենցիալ վտանգ են ներկայացնում կալանավորված եւ դատապարտված անձանց համար ու նման պայմաններում ՀՀ իշխանությունները ձեռնպահ են մնում կատարել ԵԽ՝ Խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման եվրոպական կոմիտեն զեկույց- հանձնարարականի պահանջը, այն է՝ փոխել անազատության մեջ գտնվող անձանց խափանման միջոցները։

Ավելին՝ նախաքննական մարմինները շարունակում են անգամի միջին ծանրության հանցագործությունների մեջ մեղադրվող անձանց կալանավորելու միջնորդություններ ներկայացնել։

Աղբյուր` Փաստինֆո