Փաստ ինֆո

Կորոնավիրուսով վարակված մոտ 7000 մարդ գտնվում է տնային հսկողության տակ, 1800 մարդ գտնվում է հիվանդանոցային հսկողության տակ։ Այս մասին այսօր կառավարության արտահերթ նիստի ժամանակ ասաց ՀՀ առողջապահության փոխնախարար Անահիտ Ավանեսյանը։

«425 ծանր դեպք ունենք, 100 մարդ գտնվում է ծայրահեղ ծանր վիճակում, 23 մարդու միացված է արհեստական շնչառական ապարատ»,-ասաց Անահիտ Ավանեսյանը։

ՀՀ վարչապետ Նիկոլ Փաշինյանն ասաց, որ ամենօրյա ռեժիմով հրապարակվող աս թվերն ցույց են տալիս, թե ՀՀ-ում վերջին 7-ից 14 օրվա ընթացքում ինչպես են պահվել հակահամաճարակային կանոնները։

Վարչապետն ընդգծեց, որ պետք է արձանագրել ու տեղորոշել այն շրջանակներին, որոնք մարդկանց շրջանում տարածում են, որ հիվանդություն չկա, սուտ է, գոյություն չունի այդպիսի բան. «Կարծում եմ՝ սրանով զբաղվելու լուրջ մեխանիզմներ պետք է գտնենք և կարողանանք նաև տեղորոշել այդ մարդկանց, հասկանալ նրանց նպատակը, գործունեության շարժառիթները և կապերը։ Սա նույնպես կարող է որոշակի հետևություններ անելու տեղ թողնել։ Սրանով պետք է զբաղվեն նաև օպերատիվ հնարավորություններ ունեցող մեր մարմինները, որպեսզի կարողանանք եզրակացությունների գալ»,-ասաց վարչապետը։

Աղբյուր` Փաստինֆո