Փաստ ինֆո

Սոցիալ-տնտեսական աջակցության ծրագրերի վերաբերյալ քննարկումները շարունակվում են։ Ելնելով իրավիճակից՝ այդ հնարավորությունները նույնպես կքննարկվեն։ Այս մասին լրագրողների հետ զրույցում ասաց ՀՀ աշխատանքի և սոցիալական հարցերի նախարար Զարուհի Բաթոյանը՝ անդրադառնալով հարցին հնարավոր է, որ պետությունն առանց աշխատանք մնացած քաղաքացիներին կրկին աջակցություն ցուցաբերի։

«Դեռևս նախորդ շաբաթվա նիստում ավելացել է տուժած ոլորտների շահառուների քանակը, որ կարող են օգտվել աջակցությունից»,-ասաց նախարարը։

Ինչ վերաբերում է Վանաձորի «Գլորիա» կարի ֆաբրիկային աշխատակիցներին, որոնք կրկին չեն աշխատում, քանի որ ֆաբրիկան պարետի որոշմամբ դադարեցրել է գործունեությունը, Զարուհի Բաթոյանն ասաց, որ նրանք ավելի շատ կարող էին օգտվել տնտեսական ծրագրերից, այսինքն` գործատուն կարող էր վարկավորման ծրագրից օգտվել՝ աջակցելու քաղաքացիների աշխատավարձերի տրամադրմանը։

Հարցին՝ հնարավոր է նրանք, որոնք արդեն օգտվել են աջակցության ծրագրից, բայց կրկին պարապուրդում են, հնարավոր է երկրորդ անգամ էլ օգտվեն, նախարարը չբացառեց, բայց ասաց. «Այս պահին չեմ կարող ասել հնարավոր է, թե ոչ, բայց դա բնականաբար քննարկվում է և ամենօրյա աշխատանքն ուղղված է նրան, որ իրավիճակից ելնելով նաև լուծումներ տանք»,-ասաց Զարուհի Բաթոյանը։

Աղբյուր` Փաստինֆո