Փաստ ինֆո

ԱՄՆ առաջին տիկին Մելանյա Թրամփը ամուսնու՝ Դոնալդ Թրամփի, 2016-ի նախագահական ընտրություններում հաղթանակից հետո պնդել է նոր ամուսնական պայմանագրի մասին: Այս մասին ասվում է The Washington Post-ի լրագրող Մերի Ջորդանի գրքում, որից հատվածներ հրապարակվել են պարբերականի կայքում։

Երդմնակալությունից հետո, Ինչպես գրում է Ջորդանը, Մելանիան չի շտապել մտնել Սպիտակ տուն եւ ցանկացել է, որ իրենց որդին՝ Բերոնը, նախ ավարտի ուսումնական տարին Նյու Յորքում: Նշվում է, որ նա օգտագործել է այդ իրավիճակը՝ ամուսնական պայմանագիրը փոխելու համար, քանի որ 2005-ին հարսանիքից հետո, ըստ լրագրողուհու տվյալների, առաջին պայմանագիրը «կնոջ հանդեպ աներեւակայելի առատաձեռն չէր»:

Այսպես, նշվում է, որ ԱՄՆ-ի առաջին տիկինը հանդես է եկել նորացված ամուսնական պայմանագրում՝ ամուսնու պարտավորությունների ընդլայնման առաջարկով, որոնք վերաբերում են Բերոնին աջակցելուն: Եթե նախկինում կինը հոգ էր տանում տղայի ապագայի մասին, երաշխավորելով նրա՝ Սլովենիայում երկրորդ քաղաքացիության առկայությունը, ապա այժմ՝ այն, որ Բերոնին չեն թողնի ընտանեկան բիզնեսից դուրս:

Մելանիան ամուսնացել է Դոնալդ Թրամփի հետ 2005 թվականին՝ հարաբերությունների սկզբից յոթ տարի անց։ Իր սիրեցյալ կնոջը նա առաջարկ է արել Met Gala-ում պարահանդեսի ժամանակ։ Հարսանիքին ներկա են եղել քաղաքականության եւ շոու-բիզնեսի ոլորտի ազդեցիկ անձի ՝ Հիլարի Քլինթոնը, որը հետագայում դարձել է Թրամփի գլխավոր մրցակիցը 2016 թվականի նախագահական ընտրություններում, Մեթ Լաուերը, Ռուդոլֆ Ջուլիանին, Սթար Ջոնսը, Բարբարա Ուոլթերսը, Ռեջիս Ֆիլբինը, Քելլի Ռիպան, Բիլլի Ջոելը եւ շատ ուրիշներ:

Աղբյուր` Փաստինֆո