Փաստ ինֆո

«Իրազեկ քաղաքացիների միավորման» ծրագրերի համակարգող Դանիել Իոաննիսյանը երեկ  Երեւանում հակահամաճարակային կանոնների հսկման ու աջակցման ակցիաներ  իրականացնելու շրջանակներում բանավեճի էր բռնվել  իր ավտոտնակում գտնվող ոստիկանության լրատվական ծառայության նախկին պետ, ոստիկանության գնդապետ Սայաթ Շիրինյանի հետ՝ վերջինիս հանդիմանելով, թե ինչու սեփական ավտոտնակում դիմակ չի կրում։ Եւ սա այն դեպքում, երբ ոստիկանը հարեւանությամբ կանգնած խախտում չէր տեսել, համենայն դեպս լուռ կանգնել էր։  

Միջադեպի վերաբերյալ «Փաստինֆո»-ն զրուցել ոստիկանության գնդապետ Սայաթ Շիրինյանի հետ։

-Պարոն Շիրինյան, որպես ոստիկանության ոլորտի նախկին աշխատակից, ինչպե՞ս եք գնահատում  երեկ տեղի ունեցած միջադեպը։  

- Այսօր համավարակի պայմաններում   Հանրապետությունում քաոսային, մեղմ ասած՝ անհասկանալի  իրավիճակ է տիրում։  Ով ինչ ուզում անում է, և սրա առաջին մեղավորը Նիկոլ Փաշինյանն է՝ երբ հայտարարում է իր պատկերացրած հասարակական վերահսկողության մասին գործողությունների մեկնարկը։ Ի՞նչ էր սա, եթե ոչ ևս մեկ անգամ հասարակության անդամներին՝ մեկը մյուսի դեմ հանելու նախաձեռնություն։ Եթե կա պարետի որոշում, հետևաբար պարետի որոշման կատարման հսկողությունը դրվում է Ոստիկանության, ԱԱԾ-ի, Արտակարգ իրավիճակների նախարարության, բայց ոչ երբեք Դանիել Իոաննիսյանի վրա։ Իր գործողությունները բացարձակ ապօրինի էին։ Եթե նրա  փոխարեն մի տատիկ կամ պապիկ լինեին, ովքեր ինձ նկատողություն կանեին, ես հաշվի առնելով  և հարգելով  նրանց տարիքը՝ նորմալ կընդունեի և կբացատրեի  նրանց, որ գտնվում եմ սեփականություն իրավունքով ինձ պատկանող տարածքում, որի անձեռնմխելիության իրավունքը հավասարեցված է բնակարանի անձեռնմխելիության իրավունքին։  Հիմա ես ուզում եմ հասկանալ, թե  ո՞վ է եկել ու սեփականության իրավունքով ինձ պատկանող իմ տարածքում   անբասիր մասնագիտական կյանքով ապրած գնդապետին նկատողություն անում՝ մի մարդ, ով բռնաբարել է իր մո՞րը։ Սա վիրավորական է։ Իր ողջ մոտեցումը, նորից եմ կրկնում,  ապօրինի էր՝ սկզբից մինչև վերջ։ Եթե ես երեկ  դրան սատկացնեի, ինձ կկալանավորեին, բայց հետո քննությունը պետք է պատճառահետևանքային կապ գտներ, թե  Դանիել Իոաննիսյանն ինչո՞ւ էր  հայտնվել իմ ու ավտոտնակի մոտ կամ ավտոտնակում, որ ես  էլ դրան սատկացրել եմ։ Արդյունքում պետք է պարզվեր, որ Փաշինյան Նիկոլը ապօրինի ինչ - որ հայտարարություններ է  արել, որպեսզի հասարակական  անհասկանալի վերահսկողություն կատարեն։ Թող գար Ոստիկանությունն ու ինձ ասեր, որ իմ գործողություններն ապօրինի են կամ ես սխալ եմ թույլ տվել, թող արձանագրություն կազմեր, եթե դրա կարիքը կլիներ։

-Ի դեպ, հայտարարել են, որ երեկվա միջադեպի արդյունքում խախտում է արձանագրվել և  արձանագրություն է կազմվել։

-Լկտի սուտ է։ Իոաննիսյանը ստորաբար ստում է, երբ  ասում է, թե արձանագրություն է կազմվել։ Ինչի՞  հիման վրա պետք է արձանագրություն կազմվեր։ Չէ՞ որ ես իրեն խնդրում,  հորդորում էի, որ ցույց տար ինձ պարետի որոշումը, տուգաներ և թողներ հեռանար։

-Ձեզանից թույլտվություն վերցրե՞լ էին տեսագրելու համար։

-Ոչ։ Հենց այդ պատճառով ես միանգամից խնդրեցի, որ տեսախցիկն անջատեն։

-Ինչպե՞ս կմեկնաբանեիք միջադեպին ներկա կապիտանի գործողությունները։

-Եթե նրա ներկայությունն Իոաննիսյանի հետ հենց այնպես լիներ, կմտածեի, որ իր ծառայողական պարտականություններն է կատարում, այն է՝ պահպանում է հասարակական կարգը։ Բայց  հայտնվել այնտեղ Դանիել Իոաննիսյանի հետ միասին՝ ապօրինություն էր։ Մենք այս ի՞նչ մակարդակի ենք հասել, որ ոստիկան ենք կցում Դանիել Իոաննիսյանին։ Հասարակական վերահսկողություն կատարելու համար ոստիկա՞ն են կցում։ Եթե դուք համարում եք, որ ձեր գործողությունները շատ օրինական են, ինչ՞ու եք ոստիկանների ուղեկցությամբ քայլում, որ նա  ի՞նչ անի։ Ընդ որում,  դա պետք է գրավոր թույլտվությամբ լիներ, բայց արդյո՞ք Իոաննիսյանը գրավոր գրությամբ դիմել էր ոստիկանություն և խնդրել, որ ոստիկան  կցվի իրեն...  ես վստահ եմ, որ ոչ։  Չէր էլ կարող նման բան  լիներ, կամ  ի՞նչ պատճառաբանությամբ՝ հասարակական վերահսկողություն ենք իրականացնում և մեզ ոստիկանական ուժե՞ր են պետք։ Աբսուրդ չի՞ թվում։

- Իսկ ինչպե՞ս կարելի է մեկնաբանել այն իրողությունը, երբ ոստիկանի ներկայությամբ ինչ-  որ հասարակական կազմակերպության ղեկավար անհիմն և ապօրինի կերպով  նկատողություն է անում  գնդապետին և ոստիկանը շարունակում է լուռ մնալ։

-Սա նշանակում է, որ սրանք այդ աստիճանի են ստորացրել  ոստիկանությունն ու սպայի արժանապատվությունը։ Ոչ մեկի համար գաղտնիք չէ, որ Իոաննիսյանն արդեն վաղուց սերտաճած է իշխանության հետ։ Հիմա երկու քարի արանքում  հայտնված ոստիկանն ի՞նչ անի։ Այնուամենայնիվ, ոստիկանությունը պարտավոր է ծառայել օրենքին, նա օրենքի պաշտպանն է, իսկ պաշտպանելով օրենքը նա  պաշտպանում է  նաև ժողովրդին, սակայն արդեն երկու տարի է ոստիկանության ծառայությունն ուղղակի նսեմացված է, այն  ստորաբար ծառայեցվում է օրվա իշխանության շահերի սպասարկմանը։ Չեմ կարող սա չասել՝ պատկերացրեք ոստիկանության բաժին են ներխուժում արվամոլները, ծեծում  և հայհոյում են ոստիկաններին, ոստիկանին հոսպիտալիզացնում են, բայց  արվամոլն այդպես էլ մնում է անպատիժ։ Ես երբեք նման բան չէի տեսել,  որ ինչ – որ  Վարդգես Գասպարի, որի ծագումնաբանությունն, ի դեպ, մնում է անհայտ, ոստիկանության աշխատակցին ասում է համբալ և մնում է անպատիժ։ Նման նախադեպ մինչ այս իշխանությունը գոյություն չի ունեցել։ 

- Պարոն Շիրինյան, քանի որ խոսք գնաց ծագումնաբանությունից,  չեմ կարող չհարցնել՝ հանրային վեճի վերածված հանդիպումից հետո «Իրազեկ քաղաքացիների միավորման» ծրագրերի համակարգող Դանիել Իոննիսյանը որոշեց սոցիալական հարթակներում  կասկածի տակ դնել ձեզ պատկանող  գույքի ծագումնաբանությունը։

- Նորից եմ կրկնում՝ ես անբիծ ծառայողական կենսագրություն  ունեցող ոստիկանության նախկին աշխատակից եմ, հետևաբար՝ պաշտոնապես հայտարարում եմ՝  պատրաստ եմ, թող գան, ստուգեն իմ  գույքի ծագումնաբանությունը և, եթե ապօրինի որևէ բան կգտնեն, ես պատրաստ եմ օրենքով նախատեսված կարգով  պատասխանատվություն կրել, իսկ եթե ոչ, ապա Դանիել Իոաննիսյանը թող էշի պես զռռա։

Հեղինակ՝ Նվարդ Մանվելյան

Աղբյուր` Փաստինֆո