Փաստ ինֆո

Մի քանի օր առաջ վարչապետական մի ողջ ընտանիքի կորոնավիրուսի թեստը դրական էր, իսկ հաշված օրեր անց այն բացասական դարձավ: Երևի Ծառուկյանի վարկածով՝ էս դեպքում՝ ոչ թե բարի մարդու, այլ մի ամբողջ բարի ընտանիքի հետ գործ ուներ կորոնավիրուս կոչվող հրեշը: 

Մինչ այդ, իհարկե, սկսվել և ավարտին էր հասցվել վարչապետի կեցավայր՝ կառավարական ամառանոցի անվտանգության ուժեղացման աշխատանքները: Փաստորեն, լեգիտիմ, ժողովրդի ընտրյալ վարչապետն սկսել է վախենա՞լ իր ժողովրդից: Հետաքրքիր է, որ այս ամենը նույն ընթացքում է տեղի ունենում, երբ ՊԵԿ նախագահն է հրաժարական տալիս, հետո՝ ԶՈՒ գլխավոր շտաբի պետը, հետո՝ ԱԱԾ տնօրենը: Ղեկավար կազմի նոր նշանակումներ են լինում՝ ոստիկանությունում, ԱԱԾ-ում, ՊԵԿ-ում:

Այս համատեքստում մխիթարականն այն է, որ գեներալ-լեյտենանտ Օնիկ Գասպարյանն է նշանակվում ԶՈւ Գլխավոր շտաբի պետ: Իսկ ուշագրավն այն, որ թե՛ նա, թե՛ նոր ոստիկանապետ Վահե Ղազարյանը ծնունդով Իջևանից են: Ավելին, պարզվում է՝ վերջինս վարչապետի մտերիմ ընկերն է: Այսինքն, հասկանալի է, չէ՝ ինչ դեր ունի խնամի-ծանոթ-բարեկամ կապերը՝ Փաշինյանի կյանքում: Հե՜յ գիտի՝ ընդդիմադիր Նիկոլ…

Նույն ժամանակահատվածում լուրջ գործընթացներ են տեղի ունենում ընդդիմադիր ճակատում՝ սկիզբ դնելով համախմբման լուրջ գործընթացներին:
Մասնավորաբար, ԲՀԿ ղեկավար Գագիկ Ծառուկյանն է կուսակցության խորհրդի նիստում հայտարարում, որ կառավարությունն իր վարած քաղաքականությամբ արձանագրել է ձախողում՝ տնտեսության բոլոր ճյուղերում և համախմբման կոչով դիմելով Հայաստանի, Սփյուռքի, Արցախի բոլոր կարող և առողջ ուժերին՝ նշելով, որ պատրաստ է անձամբ հանդիպել բոլոր առողջ քաղաքական ուժերի ներկայացուցիչների, երկրի ապագայով մտահոգ մտավորականների, գործիչների հետ՝ քննարկելու երկիրն այս իրավիճակից դուրս բերելու իրատեսական ծրագրերը:

ԲՀԿ-ՀՅԴ-Հայրենիք քաղաքական ուժերի կոնսոլիդացիայով էլ, ըստ էության սկսվում է ընդդիմության համախմբումը: Զուգահեռաբար, մտավորականների շրջանում է նույնպիսի գործընթացներ ծավալվում, ինչը իշխանությունների շրջանում տագնապի մթնոլորտ է ստեղծում: Ցավալին այն է, որ որ այս ամենը տեղի է ունենում Հայաստանում կորոնավիրուսի վարակվածության երկրաչափական պրոգրեսիայով աճի և ժողովրդի հուսահատության համատեքստում:
Թավշյա և սիրո հեղափոխությունը սարուձորեր այն կողմ է, սակայն ներկան էլ հեղափոխական է՝ իրավաչափ բռնությամբ հագեցած…

Եվ այս կրիտիկական պահի աբսուրդը՝ ինչ-որ տատասկափշի միջից բսնում է Մակունցից հետո մշակույթի նախարարի ժպ աշխատած և Մաեստրո Կոնստանտին Օրբելյանի դեմ սուր ճոճելով հայտնի մի սորոսուհի՝ Նազենի դը Ղարիբյան կոչեցյալ, որ իր անիծյալ շուրթերով բարբաջում է, թե՝ Հայաստանը, հնարավոր է իսպառ անհետանա որպես պետություն:

Հեղինակ՝ Մ.Մինասյան

Աղբյուր` Փաստինֆո