Փաստ ինֆո

Օմեգա-3 պոլիչհագեցած ճարպաթթուները ալիֆատիկ շարքի ճարպաթթուներ են, որոնք պարունակում են չհագեցած C=C կրկնակի կապ՝ օմեգա-3 դիրքում։ Օմեգա-3 տերմինը վերաբերում է ճարպաթթվի մեթիլենային ծայրից ածխածնի 3-րդ ատոմի մոտ ածխածին-ածխածին կրկնակի կապին։ Առավել կարևոր օմեգա-3 ճարպաթթուներից են ալֆա-լինոլենաթթուն, էյկոզապենտաենաթթուն և դոկոզահեքսաենաթթուն։

Նորմալ աճի ապահովման գործում օմեգա ճարպաթթուների դերի մասին գիտեին դեռևս 1930-ական թթ, սակայն նրանց դերի մասին պատկերացումները կտրուկ աճեցին վերջին մի քանի տարվա ընթացքում։ Առաջին հետազոտությունները, որոնք անց են կացվել 1970-ական թվականներին, ցույց տվեցին, որ մարդիկ, ովքեր օգտագործում են մեծ քանակությամբ ճարպոտ ձուկ, գործնականում չեն հիվանդանում սիրտ-անոթային հիվանդություններով և չեն ունենում անոթների աթերոսկլերոտիկ ախտահարումներ, ինչպես նաև զարկերակային ճնշման, պուլսի և մի շարք այլ խնդիրներ՝ համեմատած ձուկ չօգտագործողների։ 2004 թ սեպտեմբերի 8-ին ԱՄՆ-ի սննդամթերքի և դեղերի վերահսկողության ծառայությունը հաստատեց, որ էյկոզապենտաենաթթվի և դոկոզահեքսաենաթթվի օգտագործումը կարող է կրճատել սրտի իշեմիկ հիվանդության զարգացման ռիսկը։ Կանադայի կառավարությունը ևս հաստատել է դոկոզահեքսաենաթթվի կարևորությունը ուղեղի, աչքերի և նյարդերի նորմալ զարգացման ապահովման համար։

Եվ այսպես, ամենօրյա ընդունումը բարելավում է մաշկի վիճակը և ապահովում ուղեղի, տեսողության, սիրտ-անոթային և նյարդային համակարգի հստակ աշխատանքը:

Այս ճարպաթթուները լայնորեն կիրառվում են բժկության հետևյալ ոլորտներում.

Սիրտ. բարելավվում է սիրտ-անոթային համակարգի աշխատանքը, կարգավորվում է խոլեստերինի մակարդակը: Կանխարգելում է սիրտ-անոթային համակարգի հիվանդությունները:

Մաշկ. առաձգականության ավելացում, ուլտրամանուշակագույնի բացասական ազդեցության նվազում, մաշկի չորության և կնճիռների քանակության նվազում:

Մկաններ և հոդեր. բարձրանում է դիմացկունությունը և բարելավվում է ֆիզիկական վիճակը: Մկանային ցավերը նվազում են, բորբոքային գործընթացները դանդաղում են:

Ինչպես նաև հանդիսանում է որպես զարկերակային հիպերտոնիայի և աթերոսկլերոզի կանխարգելում,

Ուղեղի աշխատանքի կարգավորում,

Ինֆեկցիոն հիվանդությունների, հոդերի ախտահարման կանխարգելում,

Աուտոիմուն հիվանդությունների կանխարգելում,

Առողջ հղիության և կրծքով կերակրման շրջանի համար,

Հեպատոպրոտեկտոր ազդեցություն,

Աստմայի ժամանակ շնչառական ուղիների սպազմի նվազեցում,

Ուռուցքային հիվանդությունների կանխարգելում,

Աղբյուր` Փաստինֆո