Փաստ ինֆո

Իսրայելի վարչապետ Բենիամին Նեթանյահուն կոչ է արել միջազգային հանրությանը պատժամիջոցների միջոցով «կաթվածահար անել» Իրանը։ Այս մասին հայտնում Է ՏԱՍՍ-ը ։

Նեթանյահուն Իրանին մեղադրել է իր պարտավորությունները պարբերաբար խախտելու եւ միջուկային նյութերով հարստացվող օբյեկտները թաքցնելու մեջ: Նա հիշեցրել է, որ Իրանը հրաժարվել է МАГАТЭ-ի տեսուչներին հասանելիություն տրամադրել գաղտնի օբյեկտներին, որտեղ գաղտնի ռազմական միջուկային գործունեություն է իրականացնում:

«Ես կարծում եմ, որ ժամանակն է, իրականում այդ ժամանակը արդեն վաղուց եկել էր, բայց հիմա հաստատ այս նոր տեղեկատվության լույսի ներքո ժամանակն է, որ միջազգային հանրությունը միանա ԱՄՆ-ի եւ մտցնի կաթվածահար անող պատժամիջոցներ Իրանի դեմ», — հայտարարել է իսրայելի վարչապետը: Նա հավելել է, որ կորոնավիրուսը «չի նվազեցնում Իսրայելի վճռականությունը»՝ գործել «Իրանի ագրեսիայի դեմ», եւ խոստացել է, որ Թեհրանին թույլ չի տա «միջուկային զենք ունենալ»:

Ավելի վաղ հաղորդվել էր, որ Իրանը ծրագրում է կրկին գործարկել նախկինում ապաակտիվացված ցենտրիֆուգներ եւ կտրուկ բարձրացնել ուրանի հարստացման մակարդակը ԳՀՀՊ-ի պայմաններից հետագայում դուրս գալու շրջանակներում: Մինչ այդ երկիրը գերազանցել է գործարքի թույլատրելի 3,67 տոկոսը՝ այն արդեն հասել է 4,5 տոկոսի։ Ավելի ուշ Թեհրանը հայտարարեց, որ ավելի շատ ցածր հարստացված ուրան է կուտակել, քան դա թույլատրվել է միջազգային համաձայնագրով։

Աղբյուր` Փաստինֆո