Փաստ ինֆո

Երբ քննարկում ենք, մտածում ենք՝ երբ հաղթահարենք կորոնավիրուսը, այսիննք թեստ անենք և արդյունքը բացասական լինի, մեր կյանքն ամբողջությամբ կփոխվի, որովհետև մտավախություն չենք ունենա շփվել մեր ընկերների, հարազատների հետ, որովհետև վիրուսը հաղթահարած և իմունիտետ ձեռք բերած կլինենք ու հանգիստ կարող ենք շփվել բոլորի հետ՝ առանց մտավախության, որ կվարակենք ուրիշին կամ կրկին կվարակվենք, բայց այստեղ կա երկու խնդիր։ Այս մասին ֆեյսբուքյան ուղիղ եթերի ժամանակ ասաց ՀՀ վարչապետ Նիկոլ Փաշինյանը։

«Առաջինը՝ հիմա էլ ոչ մեկ չի կարող երաշխավորել, որ կոնկրետ մեր ընտանիքը բարեհաջող կավարտի, որովհետև անկանխատեսելի է, և երկրորդը՝ իմ հարազատներից քանի մարդ կվարակվի ինձնից և իմ հարազատներից քանիսին կկորցնեմ այս ընթացում։ Սա է կորոնավիրուսի ամբողջ նենգ բանաձևը, որովհետև եթե ես վարակվել, լավացել եմ դա հոյակապ է, որովհետև ձեռք եմ բերել առնվազն մեկ տարով իմունիտետ, վերադառնում եմ նախկին կյանքին։ Բայց եթե ես վարակվել եմ նախ երաշխիք չկա, որ ես չեմ մահանա և երկրորդը՝ երաշխքի չկա, որ իմ հարազատներից մեկը չի մահանա»,-ասաց վարչապետը։

Վերջինս անդրադարձավ կորոնավիրուսից մահացությանթվերին։ 2020 թվականի հունիսի 1-ի դրությամբ ունենք մի քանի հարյուրով ավել մակաս մահ, քան 2019 թվականի հունիսի 1-ի դրությամբ. «Այս տարի մահացության թիվն էականորեն ցածր է։ Դա ունի շատ հետաքրքիր պատճառ։ Օրինակ անցած տարի քաղցկեղից հունիսի 1-ի դրությամբ մահացել է 2307 մարդ, այս տարի 2213, գրեթե 100 մարդով պակաս։ Սրա բացատրությունը հետևյալն է, որ պոտենցիալ այս տարվա առաջին վեց ամսվա քաղցկեղից պոտենցիալ մահացողների բավականին մեծ տոկոսը վարակվել է կորոնավիրուսով և կորոնավիրուսը թույլ չի տվել, որ քաղցկեղը դառնա մահվան պատճառ, ինքն է դարձել մահվան պատճառ։ Եթե այս վիճակագրությանը հավատանք, կստացվի, որ եթե կորոնավիրուսը չլիներ, կորոնավիրուսով հիվանդացած քաղցկեղակիրների մի մասը կմահանար քաղցկեղից մինչև 2020 թվականի հունիսի 1-ը։ Նույնը վերաբերում է շնչառական օրգանների հիվանդություններին։ Անցած տարի այդ հիվանդություններից մահացել է 1448 մարդ, այս տարի՝ 1062 մարդ։ Այսինքն ոտավորապես 400 մարդով ավելի պակաս մարդ է մահացել շնչառական հիվանդություններից։ Պատճառը նույնն է, այս հիվանդություններից մահացողների պոտենցիալ թիվը, որ այս տարի մեծ հավանականությամբ կմահանար այս հիվանդություններից, կորոնավիրուսը թույլ չի տվել, որ այդ հիվանդությունից մահանա, ինքն է դարձել մահվան պատճառ և 400 պակաս դեպք։ Ավելին, քանի որ այս հիվանդություն ունեցողների մի մասը կորոնավիրուսի պատճառով ավելի ինտենսիվ է բուժօգնություն ստացել, որովհետև անցած տարի այս հիվանդությունների մի մասը կարող էր շատ ուշ դիմել և այլն, իսկ կորոնավիրուսի պատճառով, քանի որ հիվանդություն ունեցող մարդն ավելի շուտ է հոսպիտալացվել, բուժվել է և՛ կորոնավիրուսից, և՛ այդ հիվանդության իր վիճակն ավելի լավացել է։ Այսինքն շնչառական օրգանի այդ հիվանդությունը պետք է պոտենցիալ իր մահվան պատճառը դառնա, կորոնավիրուսի պատճառով և շնորհիվ բուժվել է, վիճակը թեթևացել է կամ մահաբերությունը երկարել է»,-ասաց վարչապետը՝ ընդգծելով, որ հունիսի 1-ի դրությամբ մահացության շատ ավելի լավ ցուցանիշ ունենք, քան 2019 թվականին։
Վարչապետը նկատեց՝ մենք ունենք ընդամենը մեկ խնդիր, այն է կորոնավիրուսով հիվանդացած բոլոր քաղաքացիներին կարողանան պատշաճ բուժօգնություն ցույց տալ։ Այսինքն կորոնավիրուսով հիվանդանան այնքան մարդիկ, ինչքան հիվանդանոցներում ռեալ տեղ կա։ Վարչապետի գնահատմամբ սա է կորոնավիրուսի առանցքային պրոբլեմը։

Աղբյուր` Փաստինֆո