Փաստ ինֆո

Նույնիսկ մինչև այս պահը մեր համաքաղաքացիների մոտ կա ոչ լուրջ վերաբերմունք հիվանդության նկատմամբ։ Այս մասին լրագրողների հետ զրույցում ասաց ԱԺ փոխնախագահ Ալեն Սիմոնյանը։

Նա ընդգծեց, որ քաղաքացիներին հորդորել է դիմակ կրել և պատասխան է ստացել՝ ես հիվանդ չեմ, ինձ բան չի լինի։ Սիմոնյանի կարծիքով՝ կա ընկալման խնդիր։

«Ով էլ լինի,ինչ երկիր էլ լինի, եթե այս շատ առանձնահատուկ իրավիճակում չկարողանանք այդ գիտակցությունը մարդկանց հետ քննարկել, դա մարդկանց հասցնել, որեւէ մեկը որեւէ բան չի կարող անել, եթե նույնիսկ զորք մտցնենք:

Եթե մարդը դուրս գա իր միջանցքում խոսի ու հարեւաններին վարակի, մենք ոչինչ չենք կարող անել: Հիմա մենք բոլորս պետք է մեր համաքաղաքացիներին հետեւենք, ասենք՝ դիմակ կրիր, դիմակդ ուղղի:

Իսկ մնացածի մասով կքննարկենք վերջում, երբ պարզ կլինի, թե որ երկիրը, որ կառավարությունը, որ նախարարը, որ հասարակությունը ավելի լավ արձագանքեց այս իրավիճակին»,-ասաց նա:

Սիմոնյանը չբացառեց, որ հարկ եղած դեպքում կստեղծվի քննիչ հանձնաժողով և ինքն այդ առումով որևէ մտավախություն չունի։
Սիմոնյանի կարծիքով՝ մենք չեն կարող մեզ խիստ կարանտին թույլ տալ։

«Երկար ժամանակ է ընտրությունը ֆինանսապես մարդուն ծայրահեղ ծանր վիճակի մեջ դնելկու և հիվանդության առումով ծայրահեղ ծանր վիճակի մեջ դնելու մեջ է, երկու քարի արանքում որոշում կայացնելու մեջ է։ Խիստ սահմանափակում չենք կարող իրականացնել»,- ասաց Սիմոնյանը։

Աղբյուր` Փաստինֆո