Փաստ ինֆո

«Մեր առողջապահական համակարգն արդեն ճկռում է, - այսօր առավոտ վաղ հայտարարեց վարչապետ Նիկոլ Փաշինյանը և հավելեց,- երևի 20, 25, հնարավոր է նաև 30 հազար ասիմպտոմ հիվանդներ կան երկրում»։ Ստեղծված իրավիճակի ելքը վարչապետն այս պահին տեսնում է ՝ Հայաստանում հակահամաճարակային նոր շարժում ստեղծելով, հորդորելով մարդկանց նկարել օրինազանց քաղաքացիներին և նկարները տարածել սոցիալական ցանցերում։ Նիկոլ Փաշինյանը նաև տեղեկացնում է՝ Ոստիկանությունում արդեն իսկ ստեղծվել են համապատասխան ուժեր, որոնք վերահսկում են սոցիալական ցանցերում օգտատերերի կողմից տարածվող տեսանյութերն ու լուսանկարները։ 

Ըստ էության, ստացվում է, որ իշխանությունները տապալել են համավարակի դեմ պայքարը՝ անվերահսկելի չափերի հասնելով վարակվածների թիվը։ Կորոնավիրուսային վարակի և ստեղծված իրավիճակի մասին «Փաստինֆո»-ն զրուցել է «Այլընտրանքային քաղաքապետարան» նախաձեռնության անդամ Սոնա Աղեկյանի հետ։

«Սկսենք ամենասկզբից՝ իսկզբանե Նիկոլը պատրաստվում է պինցետով հանել համավարակն ու տնական օղիով ախտահանել այն և ընդհանրապես՝ իսկ ո՞ւմ շունն էր կորոնավիրուսը։ Ենթադրում եմ՝ այդ ժամանակ դեռ չկար հրահանգ այն մասին, որ կորոնավիրուսի տարածվածությամբ հնարավոր է նաև մեծ գումարներ աշխատել։ Ընդամենր օրեր անց նա Կառավարության նիստի ընթացքում սիրելի քաղաքացիներին հայտարութմ է, որ կորոնավիրուսը խիստ վտանգավոր վարակ է և պետք է կրել դիմակներ ու ձեռնոցներ, ձեռքենրն անընդհատ ախտահանել։ Այսինքն, նրանք միտումնավոր թույլ տվեցին, որ վիրուսն ամբողջ երկրով մեկ տարածվի, որի դիմաց իրենք արդեն իսկ հրապարկված չափով գումարնե ստացան, ինչպես նաև երկրում զարկ տրվեց ձեռնոցների, դիմակների և ախտահանիչ նյութերի պարտադիր վաճառքին։ Այսինքն, Նիկոլն ու իր լակոտակրատիան սկսեցին գումար աշխատել»,- ասաց նա։

Ըստ Աղեկյանի՝ այն, ինչ սկսել է ոստիկանությունը, որը կոչվում է գործ տալու նուրբ արվեստը, պարզապես հղի է ներքին բախումներ առաջացնելու մեծ վտանգով։ «Ի՞նչ է նշանակում՝ նկարեք իրար և տարածեք համացանցում...Պարզ չէ՞ որ սա մեկ նպատակի համար է արվում՝ իրար դեմ հանել քաղաքացիների երկու մասին՝ նկարողներին և նկարվողներին։ Իսկ ինչո՞ւ է Նիկոլն այդքան ջանասիրաբար թիրախավորել հենց բանկերն ու «Հայփաստը», որովհետև նա շատ լավ գիտի, որ այս աղքատ երկրում մարդկանց զգալի մասը գոյատևում է արտերկրից արտագնա աշխատանքի մեկնած իրենց հարազատների ուղարկված գումարների և այլ միջոցների հաշվին։ Ստացում է, որ երկրում ստեղծվել է տնտեսական ծանր ճգնաժամ, մարդիկ չգիտեն ինչպես հոգալ պարզունակ նյութական հոգսերը, և սա թիրախավորում է բանկերի առջև շոգին հերթ կանգնած քաղաքացիներին, ստորացնելով նրաց, որովհետև այն, ինչ Նիկոլն է անում, այլ բան չէ, քան քաղաքացիների ստորացումը։ Եկեք չմոռանանք մեր ազգային առանձնահատկության՝ ընդգծված արժանապատվության զգացողության մասին, հատկապես երիտասարդ ու տաքարյուն երիտասարդների մոտ, երբ որևէ պարագայում ընդունելի չի կարող լինել, այսպես ասած՝ գործ տալու սինդրոմը։ Ուրեմն ստացվում է, որ վաղ թե ուշ բախումներն անխուսափելի են լինելու, և հենց այստեղ է, որ պետք է հիշել մեր ոխերիմ թշնամու թուրքի կարգախոսը՝ հայերին հաղթելու համար բավական է բաժանել նրան և կոտրել։ Թե ո՞ւմ պատվերն է կատարում Նիկոլ Փաշինյանը նաև համավարակի ողբերգական օրերին, թողնում եմ ընթերցողների հետևությանը»,- նշեց նա։

Հեղինակ՝ Նվարդ Մանվելյան

Աղբյուր` Փաստինֆո