Փաստ ինֆո

Ֆրանսիայի իշխանությունները չեն տեսնում փոփոխություններ, որոնք կհանգեցնեն Ռուսաստանի վերադարձին «Մեծ յոթնյակ»։ Այս մասին հայտնում է Reuters-ը՝ վկայակոչելով Ֆրանսիայի կառավարության ներկայացուցիչներին։

«Ռուսաստանին հեռացրել են կոնկրետ պատճառներով։ Եվ այժմ մենք չենք կարծում, որ իրավիճակը փոխվել է։ Սակայն մենք պետք է Ռուսաստանի հետ երկխոսություն կառուցելու ուղիներ գտնենք», - մեջբերում է գործակալությունը իր աղբյուրի խոսքը։

Հունիսի 1-ին ՌԴ-ին «Մեծ ութնյակ» հետ ընդունելու հնարավորությունը մերժել է Կանադայի վարչապետ Ջասթին Թրյուդոն։ Նա հիշեցրել է, որ ռուսական պետությունը հեռացվել Է Ղրիմի միացման պատճառով, եւ այդ ժամանակից ի վեր շարունակում է անհարգալից վերաբերմունք դրսեւորել միջազգային իրավունքի նկատմամբ:

Մայիսի վերջին ԱՄՆ նախագահ Դոնալդ Թրամփը հայտարարել էր G7-ի գագաթնաժողովը մինչեւ սեպտեմբեր հետաձգելու եւ դրան չորս երկիր, այդ թվում՝ Ռուսաստանին հրավիրելու որոշման մասին: Նրա նախաձեռնությունը չի ողջունել ԵՄ-ն: ԵՄ դիվանագիտության ղեկավար Ժոզեպ Բորելը հայտարարել է, որ ԱՄՆ-ն, չնայած խմբում իր նախագահությանը, հրավերներ բաժանելու իրավասություն չունի:

ՌԴ խորհրդում, մեկնաբանելով Թրամփի խոսքերը, նշել են, որ G7-ին Ռուսաստանի վերադարձի հարցը պետք է լուծվի խմբի մասնակից երկրների կոնսոլիդացված կարգով: Ընդ որում, Դաշնության խորհրդում  կասկած են հայտնել՝ այդ հարցի շուրջ խմբի անդամների միահամուռության մեջ։

Ռուսաստանը G8-ի անդամ է եղել 2014 թվականի մարտին Ղրիմի միանալուց առաջ։ Դրանից հետո «ութնյակի» (Ֆրանսիա, Մեծ Բրիտանիա, ԱՄՆ, Գերմանիա, Ճապոնիա, Իտալիա եւ Կանադա) մյուս երկրների ղեկավարները հրաժարվել են ժամանել Սոչիի գագաթնաժողովին եւ Բրյուսելում հանդիպում են անցկացրել առանց Մոսկվայի մասնակցության: Որոշվել է նաեւ G8 ձեւաչափով այլեւս հանդիպումներ չանցկացնել։

Աղբյուր` Փաստինֆո