Փաստ ինֆո

Այսօր ուղիղ կապի ընթացքում վարչապետ Նիկոլ Փաշինյանը խոսել է երկրում կորոնավիրուսի զարգացման նոր տեմպերի մասին և մասնամասնել առկա պահին վարակի հետ կապված բոլոր խնդիրները. «Հիվանդների մեծ մասը՝ 75 տոկոսն ինձ նման է՝ ասիմպտոմ և դա մեզ խանգարում է, որ մենք իրավիճակի լրջությունը բավարար չափով գնահատենք։

Բայց լրջությունը նրանում է, որ մնացյալ 25 տոկոսի մեջ կան մարդիկ, ովքեր շատ լուրջ և ինտենսիվ բուժման կարիք ունեն։ Մեր առողջապահական համակարգը ճկռում է արդեն։ Եվ հիմա ասիմպտոմներին պետք է բաժանենք երկու խմբի՝ ասիմպտոմներ, ովքեր գիտեն, որ իրենք հիվանդ են և ասիմպտոմներ, ովքեր չգիտեն, որ իրենք հիվանդ են։ Ինձ մոտ վարակը հայտնավերելուց հետո ես այնքան մեկուսացված եմ, որ գիտեմ, ուրիշ ոչ մեկի չեմ վարակի և բոլոր կանխարգելիչ միջոցառումները ձեռնարկում եմ։

Բայց այսօր մեր երկրում կա մոտավորապես 20.000 իմ նման մարդ, որոնք չգիտեն, որ հիվանդ են, իրենց շրջապատի մարդիկ նույնպես չգիտեն։ Հենց այս 20.000 մարդիկ, ովքեր տեղյակ չեն, որ վիրուսակիր են, որովհետև ասիպմտոմ են, հենց այս մարդիկ են դառնում վարակի հիմնական աղբյուր։ Որտե՞ղ են այդ մարդիկ՝ նրանք հասարակական տրանսպորտի մեջ են, աշխատանքի վայրերում են, սրճարանում են, փողոցով քայլում են և որպեսզի այսպիսի տարածումը տեղի չունենա, շատ կարևոր է, որ մենք, առանց բացառության՝ բոլորս բոլորիս վերաբերվենք որպես վարակակիր։ Եվ բոլորս բոլորիս հետ բոլոր տեղերում շփումների ընթացքում կիրառենք կանխարգելիչ միջոցներ։ Դա հակահամաճարակային կանոնների պահպանումն է՝ ամենուր, որովհետև մենք բոլորս գիտենք, որ երկրում երևի 20. 25. հնարավոր է նաև 30 հազար ինձ նման ասիմպտոմ հիվանդներ կան»։

Աղբյուր` Փաստինֆո