Փաստ ինֆո

Այսօր Աժ նիստերից հետո, պատասխանելով լրագրողների հարցերին, ՊՆ փոխնախարար Գ. Բալայանն անդրադարձավ նաև Միքայել Մինասյանի կողմից հնչեցված զենքի անօրինական առք ու վաճառքի թեմային։ Պատասխանելով լրագրողների հարցերին նա ասաց. «Որոշակի առումով ես շատ ցավում եմ, որ դա դարձել է հանրային քննարկման առարկա։ Պաշտպանության նախարարությանը փորձում են ներգրավել անորակ քաղաքական խաղերի մեջ և անփառունակ պաշտոնատար անձը (նկատի ունի քաղաքական գործիչ Դավիթ Շահնազարյանին. հեղ.) որը փորձում է փառասիրաբար անընդհատ օգտագործել իր կյանքի ընթացքում երբևէ իշխանության մասն կազմելու փոքրի մասը, այդ տիտղոսն ու որոշակի հայտարություն է իրականացնում։

Առիթից օգտվելով, պաշտոնապես հայտարարում եմ, որ 2018 թվականից ի վեր, երբ վարչապետի գլխավորությամբ ներկայիս կառավարությունը ձևավորվել է, որևիցե երրորդ երկրի հետ Հայաստանի մասնակցությամբ, այդ թվում՝ ի դեմս Պաշտպանության նախարարության, որևէ նմանատիպ գործարք տեղի չի ունեցել։ Բացի դրանից խնդրում եմ հաշվի առնել, որ գոյություն ունի լիցենզավորման մասին օրենք, մասնավորապես այդ օրենքի 12.1 հոդվածը, որը սահմանում է ռազմական արտադրանքի ներմուծման, արտահանման, արտադրության փոփոխությունը տեղի է ունեցել այն ժամանակ, երբ ՀՀ վարկանիշը իջնում էր միջազգային գործընկերների մոտ՝ կապված հենց զենքի որոշակի առևտրի հետ։ Դա տեղի է ունեցել ներկայիս ՊՆ նախարարի անմիջական նախաձեռնությամբ մասնակցությամբ։

Դրանից հետո ընդունվել է ՀՀ Կառավարության 2019 թվականի 13.08 որոշումը, որը խիստ կանոնակարգել է այդ բոլոր դեպքերը և հաստատել է ողջ սպառազինության ցանկը։ Ծանոթացեք այս իրավակարգավորումների հետ և դրանից հետո պարզ կդառնա, որ նման գորարքների գնալը ոչ միայն անիրական և անհավանական է և անբովանդակ խոսակցությունների շարան է այլև հնարավոր չէ իրականացնել»։

Աղբյուր` Փաստինֆո