Փաստ ինֆո

Ինչպես վաղ առավոտից հայտնի դարձավ՝ ՀՀ վարչապետ Նիկոլ Փաշինյանն ու իր ընտանիքի անդամները վարակվել են կորոնավիրուսով։ Ինչպես ուղիղ միացման ընթացքում հայտնեց Նիկոլ Փաշինյանը, ողջ ընտանիքն այս պահին ինքնամեկուսացվել է վարչապետի կեցավայրում, աշխատանքները կշարունակվի այնտտեղից։ Պարզելու համար վարչապետի վարակվածության արդյունքում պոտենցիալ վարակակիրների և կոնտակտավորների շրջանակը՝ «Փաստինֆոն» կապ հաստատեց վարչապետի մամուլի խոսնակ Մանե Գևորգյանի հետ, խոսեց նաև Առողջապահության նախարարի մամուլի խոսնակ Ալինա Նիկողոսյանի և ԱԺ աշխատակազմի ղեկավար Տիգրան Գալստայնի հետ։ 

Վարչապետի մամուլի խոսնակ Մանե Գևորգյանը «Փաստինֆո»-ի հետ զրույցում տեղեկացրեց՝ այս պահին կառավարության և պարետատան կազմում վարակվածների թվի վերաբերյալ պաշտոնական տվյալներ չունեն։ Անդրադառնալով վարչապետի հետ կոնտակտավոր անձանց շփման հարցին տիկին Գևորգյանը հաստատեց՝ ինքն ու պարետը վարակված չեն. «Պարետատան անդամներից որևէ մեկի մոտ վիրուսի ախտանիշներ չեն հայտնաբերվել, իսկ եթե լինում են, ապա համապատասխան բժշկական ցուցում ունենալու դեպքում, մարդը թեստավորվում է։ Պարետը նույնպես վարակված չէ, իսկ իմ վերջին տեստը երկու օր առաջ եմ հանձնել, ինքս նույնպես վարակված չեմ»։ Մանե Գևորգյանն ավելացրեց նաև՝ վարչապետի կորոնավիուսակիր լինելու փաստով պայմանավորված կառավարության աշխատակազմում այս պահին ամբողջական թեստավորում անցնելու անհրաժեշտություն չկա. «Թեստավորում անցկացվում է ըստ անհրաժեշտության, ըստ բժշկական ցուցումի։ Համատարած թեստավորում չենք արել և հիմա էլ դրա անհրաժեշտությունը չկա, որովհետև վարչապետի հետ անմիջական շփում ունեցող բոլոր մարդիկ շփումների ընթացքում պահպանել են բոլոր տեսակի կանոնները՝ ունեցել են դիմակ, ձեռնոցներ, ախտահարվել են և պահպանել են սոցիալական հեռավորություն»։

Այսօր Ազգային ժողովի քառօրյա նիստի ընթացքում պատգամավոր Տիգրան Ուրիխանյանը վարչապետի կորոնավիրուսակիր լինելու փաստով պայմանավորված մտահոգություն էր հայտնել, մասնավորապես նշելով, որ ինքը, ինչպես նաև շատերն այս օրերին անմիջական շփում են ունեցել վարչապետ Նիկոլ Փաշինյանի հետ։ Տիգրան Ուրիխանյանը նկատել էր՝ անցած օրը վարչապետն իրեն թուղթ է տվել և ինքը ստիպված վերցրել է այն։ Նկատենք, որ վարչապետ Փաշինյանն այսօր առավոտյան իր կենդանի լայվի ընթացքում անդրադառնալով վարակվածության փաստին և հղում կատարելով հավանական վարակի աղբյուրը, նկատում է՝ ենթադրում է, որ ինքը հավանաբար վարակվել է առանց պաշտպանիչ միջոցների՝ ձեռնոցների իրեն ջուր փոխանցած աշխատակցից։ Տիգրան Ուրիխանյանի հնչեցրած բողոքի ենթատեքստում պետք է նկատել նաև այն, որ ինքը արդեն հավանաբար վարակակիր Փաշինյանը վերջինիս թուղթ փոխանցելու պահին ձեռնոցներով չի եղել։ Պարզելու համար՝ արդյո՞ք Ազգային ժողովում մասսայական թստավորում նախատեսվում է, թե ոչ մենք կապ հաստատեցինք նաև Աժ աշխատակազմի ղեկավարի հետ։ Մեզ հետ զրույցում Տիգրան Գալստանը նշեց՝ Աժ-ում այս պահին նույնպես մասսայական թեստավորում անցկացնելու որոշում չկա. «ԱԺ աշխատակազմում մոտ մեկուկես շաբաթ առաջ կորոնավիրուսով վարակման մի դեպք ենք ունեցել, մի դեպք էլ երեք օր առաջ ենք ունեցել։ Պատգամավորներից ոչ մեկի մոտ մինչ այս պահը վիրուս չի հայտնաբերվել։

Մասսայական թեստավորման որոշում այս պահին չունենք և իմ սուբեկտիվ կարծիքով խնդիրը դրանով չի կարգավորվի, եթե նույնիսկ նմանատիպ բան կա, ապա կարող է գաղտնի շրջան լինել և սիպտոմների բացակայության պատճառով հնարավոր չի լինի հայտնաբերել»։

Առողջպահության նախարարի մամուլի խոսնակ Ալինա Նիկողոսյանը եւս «Փաստինֆո»-ին հայտնեց, որ «Այս պահին որևէ տեղ մասսայական թեստավորում անելու ցուցում չկա։ Անհրաժեշտության դեպքում բոլոր գործողությունները կատարվելու են հակահամաճարակաբանական ենթատեքստում, այսինքն՝ կլինի ցուցում, կլինի թեստավորում։ Մասսայական թեստավորման մասին այս պահին խոսք չկա։ Հաշվի ենք առնում նաև, որ վարչապետի հետ շփման ընթացքում բոլորը պահպանել են ընդունված կանոնները՝ կրել են դիմակ, ախտահանել են ձեռքերը»։

Տեղեկացնենք, որ Հիվանդությունների վերահսկման և կանխարգելման ազգային կենտրոնի փոխանցած տվյալներով, այսօր Հանրապետթյան տարածքում գրանցվել է կորանվիորսով վարակվածների 210 նոր դեպք, 8 մահ, վարակվածների ընդհանուր թիվը հասել է 9492-ի։ Ընդհանուր առմամբ՝ կորոնավիրուսով հիվանդների շրջանում գրանցվել է 194 մահվան դեպք, որից 55—ի մահվան պատճառն այլ է։

Հեղինակ՝ Նվարդ Մանվելյան

Աղբյուր` Փաստինֆո