Փաստ ինֆո

WikiLeaks-ի հիմնադիր Ջուլիան Ասանժը չի կարողացել այցելել ԱՄՆ-ում արտահանձնման վերաբերյալ լսումներին առողջական ծանր վիճակի պատճառով, հաղորդում է The Guardian-ը:

Նիստը տեղի է ունեցել տեսակապով կարանտինային միջոցառումների պատճառով, սակայն Ասանժի բժիշկները նրան խորհուրդ են տվել նույնիսկ նման ռեժիմով չհայտնվել հանրությանը, հայտնել է նրա երեխաների մայրը՝ Ստելլա Մորիսը:

Ավստրալիայի խորհրդարանի ութ անդամ եւ չորս սենատոր իրավապաշտպանների եւ լրագրողների հետ համատեղ դիմել են իրենց կառավարությանը՝ կոչ անելով պաշտպանել լրագրողին եւ հասնել՝ գրավի դիմաց նրան ազատ արձակելուն, հաղորդում է պարբերականը: Ավստրալացիները նշել են, որ Ասանժի վիճակը տագնապ է առաջացնում, այդ թվում բանտերում նոր տիպի կորոնավիրուսի տարածման կապակցությամբ:

Այս պահին Ասանժը գտնվում է Լոնդոնի Բելմարշ բանտում, որտեղ բանտային պատիժ է կրում գրավի դիմաց ազատ արձակվելու պայմանները խախտելու համար: Պարբերականի տեղեկատվության համաձայն՝ այդ բանտում մեկ բանտարկյալ մահացել է COVID-19-ից. դատապարտյալների թվում նույնպես կան վիրուսով վարակվածներ:

ԱՄՆ արդարադատության նախարարությունը Ասանժի դեմ 17 մեղադրանք է առաջադրել 2019 թվականի մայիսին։ ԱՄՆ արտահանձնման դեպքում WikiLeaks-ի հիմնադրին սպառնում է մինչև 175 տարվա ազատազրկում։ Նրա հանձնման մասին լիարժեք լսումը տեղի կունենա 2020 թվականի սեպտեմբերին:

2012 թվականին, վախենալով արտահանձնել Շվեդիային բռնաբարության մեղադրանքների պատճառով (նրա մասին գործը կարճվել է 2019 թվականին), Ասանժը ապաստան է խնդրել Լոնդոնում Էկվադորի դեսպանատանը: Այնտեղ նա անընդհատ եղել է գրեթե յոթ տարի։ Անցյալ տարվա ապրիլին նա ձերբակալվել էր բրիտանական ոստիկանության կողմից։

Աղբյուր` Փաստինֆո