Փաստ ինֆո

Փաստորեն Դանիելյան Արմենը բավարար հեղինակություն չհանդիսացավ Եվրոպական դատարանի համար։ Իհարկե, ուրախ եմ ՄԻԵԴ-ի համար, բայց ցավում եմ իրավունքի համար հերթական անգամ։ Այս մասին լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանի պաշտպանական խմբի անդամ Արամ Վարդևանյանը՝ պատասխանելով լրագրողի այն հարցին։

Մասնավորապես՝ լրագրողը դիմելով փաստաբանին, հետաքրքրվեց, թե արդյո՞ք Վերաքննիչ քրեական դատարանի դատավոր Արմեն Դանիելյանի՝ գործի վարույթը կասեցնելու և Ռոբերտ Քոչարյանին ազատ արձակելու մասին դատարանի որոշումը բեկանելու վերաբերյալ Վերաքննիչի որոշման պարագայում, ՍԴ-ն շարունակելու է նիստեր գումարել և քննել, եթե բարձր ատյանը առաջին ատյանի որոշումը բեկանել է։ Վարդևանյանը պատասխանելով լրագրողին, ասաց, որ դատավոր Արմեն Դանիելյանի կայացրած որոշման դեմ բողոքը Վճռաբեկ դատարանը վարույթ է ընդունել և այդտեղ վերջնական դատական ակտ չկա։

«Իսկ Արմեն Դանիելյանի որոշումն ինչ ազդեցություն ունի ՍԴ-ի վրա։ Մի դեպքում խոսում ենք Բարձր դատարանի՝ ՍԴ-ի մասին, մյուս դեպքում՝ Վերաքննիչ քրեական դատարանի եւ այն պարագայում, որ ՍԴ որոշումներն են պարտադիր վերաքննիչի, վճռաբեկի և առաջին ատյանի դատարանի համար, այլ ոչ թե հակառակը »,-ասաց Վարդևանյանը՝ ընդգծելով, որ ՍԴ դիմում ներկայացրել է ոչ միայն դատավոր Դավիթ Գրիգորյանը, այլ նախեւառաջ Ռոբերտ Քոչարյանի փաստաբանական թիմը։

«Դա որևէ ազդեցություն չունի և ինչն էր հետաքրքիր, որ ՄԻԵԴ-նն էլ այդպես գտավ, որ նույնիսկ Դանիելյան Արմենի , ըստ իր ընկալման կամ իր համախոհների՝ նման առանցքային որոշման պայմաններում միևնույն է ծնվեց խորհրդատվական կարծիքը»,- ասաց Վարդևանյանը։

Աղբյուր` Փաստինֆո