Փաստ ինֆո

Վերջին դեպքերը, մասնավորապես թաղման, հոգեհանգստի արարողակարգերը, ծննդյան խնջույքները, որ եղել են փոքր բռնկումներ։ Պարետատան նիստից հետո տեղի ունեցած ճեպազրույցի ժամանակ այս մասին ասաց Հիվանդությունների վերահսկման և կանխարգելման ազգային կենտրոնի գլխավոր տնօրեն Արտավազդ Վանյանը։

«Անգամ եղել են դեպքեր, կորոնավիրուսով չվարակված մարդու հոգեհանգստին մի ամբողջ գյուղ հանգիստ, մտածելով, որ ոչ մի խնդիր չունեն մասնակցել են հոգեհանգստին ու վարակվել։ Փաստը ցույց է տալիս, որ ընդամենը մեկ հիվանդի դեպքում, որն ասիմպտոմ վիճակում է գտնվել, մի ամբողջ գյուղ հիվանդներ ունենք այսօր։ Յուրաքանչյուր անձ, շփվելով մյուս անձի հետ, պետք է պարտադիր պահպանի կանոնները։ Նույնը խնջույքի հետ կապված։

Վերջին դեպքերը, երբ ունեինք մանկապարտեզի աշխատող Սյունիքի մարզում և համաճարակաբանական հետազոտության արդյունքում պարզ դարձավ, որ ընդամենը յոթ հոգանոց ծննդյան խնջույքի մասնակիցներից 6-ի մոտ կորոնավիրուս է հաստատվել։ Կրկին ասիմպտոմ հիվանդի դեպքում։ Այս օրինակները վկայում են, որ վիրուսը շատ արագ տարածվում է։ Այսինքն` շփվելով դիմացինի հետ՝ պետք է դիտարկես, որ հավանական է, որ կորոնավիրուսով հիվանդ է ու պահելով կանոնները, վարակը հնարավոր կլինի կանխարգելել»,-ասաց Արտավազդ Վանյանը։

ՀՀ վարչապետ Նիկոլ Փաշինյանն էլ հավելեց, որ ունենք նաև դեպք, երբ կորոնավիրուսից մահացած 80-անց անձի հոգեհանգստի արարողությունից հետո, կանոնները չպահպանելու արդյունքում, մահացածի երկու դուստրերը վարակվել են և նրանք նույնպես մահացել են կորոնավիրուսից. «Այսինքն մեկ ընտանիքում ունենք երեք մահ կորոնավիրուսից։ Ինչու ենք ասում կրեք դիմակներ, որովհետև Հանրապետությունում այսօր կան հազարավոր ասիմպտոմ կորոնավիրուսի դեպքեր։ Այդ մարդիկ չգիտեն, որ իրենք հիվանդ են, չունեն նույնիսկ որևէ բողոք, որ դիմեն ու թեստավովեն։ Այս պարագայում, եթե մենք այս երեք պարզագույն կանոնների պահպանմամբ նույնիսկ առնչվենք կորոնավիրուսի ասիմպտոմ դեպքերի հետ, ունենք 95 տոկոս հավանականություն, որ չենք վարակվի նրանցից»,-ասաց վարչապետը։

Աղբյուր` Փաստինֆո