Փաստ ինֆո

Շվեդիան կորոնավիրուսի պատճառով նոր մահերի թվով գերազանցել է աշխարհի բոլոր երկրներին՝ մայիսի 23-29-ն ընկած ժամանակահատվածում: Այս մասին հայտնում է The Daily Mail-ը, տվյալները հաստատվում են our World in Data պորտալի վիճակագրությամբ։

Նշված ժամանակահատվածում մեկ միլիոն բնակչի հաշվով մահվան ելքերի միջին ցուցանիշը Շվեդիայում հասել է 5,59-ի: Այս ցուցանիշն ավելի բարձր է, քան ցանկացած այլ երկրում և 11 անգամ գերազանցում է միջին համաշխարհային ցուցանիշը, որը 0,49 է։ Շվեդիայից հետո գալիս են Բրազիլիան (4,51), Սան Մարինոն (4,21), Պերուն (4,12) եւ Մեծ Բրիտանիան (3,78):

Ջոնս Հոպկինսի ինստիտուտի տվյալներով՝ Շվեդիայում նոր տիպի կորոնավիրուսով վարակվելու 36,4 հազար դեպք է գրանցվել. 4,4 հազար մահ եւ 5 հազար ապաքինված հիվանդներ: Երկրի իշխանությունները որոշել են հրաժարվել խիստ կարանտինային միջոցառումներից, որպեսզի չվնասեն երկրի տնտեսությանը, սակայն, որոշ կանխատեսումներով, տնտեսական արդյունքը կարող է լինել նույնը, ինչ այլ երկրներում:

Աշխարհում կորոնավիրուսով վարակվել է արդեն ավելի քան 5,9 մլն մարդ։ Համաճարակը խլել է ավելի քան 361 հազար մարդու կյանք, հաջողվել է առողջանալ ավելի քան 2,4 մլն հիվանդի:

Աղբյուր` Փաստինֆո