Փաստ ինֆո

Մենք ամեն ինչ անելու ենք, որ Դուք այլևս հանրային պաշտոնյա չլինեք, որովհետև Դուք որպես պաշտոնյա վտանգավոր եք իրավական պետության համար»,- ԱԺ ամբիոնից հայտարարել է պատգամավոր Անի Սամսոնյանը՝ դիմելով «Իմ քայլը» խմբակցության պատգամավոր Վահագն Հովակիմյանին։

Ի լրումն իր հայտարարության՝ Ա.Սամսոնյանն ավելացրեց. «Դուք ասում եք՝ Ջիաննի Բուքիքիոն Սերժ Սարգսյանի կողմից շատ թանկարժեք նվեր է ստացել, եթե Դուք դա ասել եք՝ չհասկանալով, որ եվրոպացի պաշտոնյային մեղադրել եք կոռուպցիայի մեջ, որովհետև պաշտոնյայի կողմից շատ թանկարժեք նվեր ստանալը կոռուպցիայի դասական տեսակներից է, ապա կարծում եմ, որ դա աղետ է Ձեզ համար և այստեղ խնդիր կա։ Այս մասին ԱԺ-ում ասել է «Լուսավոր Հայաստան» խմբակցության պատգամավոր Անի Սամսոնյանը՝ դիմելով Վահագն Հովակիմյանին։

Նրա խոսքով՝ եթե Հովակիմյանը գիտեր, որ դա կոռուպցիայի դրսևորում է և միտումնավոր պաշտոնյային մեղադրել եք կոռուպցիայի մեջ, ապա Սամսոնյանը կարծում է, որ դա զրպարտություն է և Հովակիմյանը պետք է ներողություն խնդրի Բուքիքիոյից։

Նրա խոսքով՝ Հովակիմյանի հայտարարությունն ազդել է ՀՀ վարկանիշի վրա և, եթե նրա խոսքերում կար ճշմարտություն, ապա պետք է հարուցվեր քրեական գործ, իսկ եթե չի հարուցվել, ուրեմն զրպարտել է եվրոպացի պաշտոնյային։

Մանրամասները՝ տեսանյութում

Աղբյուր` Փաստինֆո