Փաստ ինֆո

Այս պահին ունենք Ադրբեջանի կողմից մարդու իրավունքների պատասխանատվության դրվագ, և այս վճռի առաջին ձեռքբերումն այն է, որ Ադրբեջանն է որպես պետություն պատասխանատվության է կանչվել և այս անպատժելիության համար պետությունն է հանձնառու։ Այս մասին այսօր լրագրողների հետ հանդիպման ժամանակ ասաց Գուրգեն Մարգարյանի գործով ՄԻԵԴ-ում դիմումատուների փաստաբան Սիրանուշ Սահակյանը։

Նա նշեց, որ այս գործով ունեն գոհացնող վճիռ, որով Ադրբեջանի կողմից Գուրգեն Մարգարյանի և Հայկ Մակուչյանի իրավունքների խախտումներն արձանագրվել են. «Ցավոք չի արձանագրվել Հունգարիայի կողմից խախտումների փաստը, որը մեր կողմից բարձրաձայնվել է, և այս տեսանկյունից մեր վստահորդների հետ խորհրդակցելուց հետո չեն բացառում այս գործով Մեծ պալատ դիմելը և մինչև վերջ նաև Հունգարիայի պատասխանատվությանը հասնելը։ Արձանագրվել է կյանքի իրավունքի խախտումը, ինչպես նաև արձանագրվել է, որ հակահայկական խտրականության հետ գործ ունենք, որն իրականացնումէ Ադրբեջանը հայերի նկատմամբ»,-ասաց Սիրանուշ Սահակյանը՝ ընդգծելով, որ սա գոյություն ունեցող առաջին վճիռն է, որ միջազգային դատական ատյանն արձանագրում է ադրբեջանական պետության հակահայկական խտրականությունը, ատելությունը, և այս վճռի իրավական հետևանքները պետք է լինեն նաև նրանք, որ Ադրբեջանը ժամանակի ընթացքում պետք է ապահովի հակահայկական խտրականության վերացումը։

«Սրան պետք է հաջորդեն նաև այնպիսի միջոցառումներ, որոնք կապահովեն մարդասպանի կողմից վճռի փաստացի կրումը»,-ասաց փաստաբանը

Աղբյուր` Փաստինֆո