Փաստ ինֆո

«Վերջին օրերին կորոնավիրուսի հետ կապված նոր դեպքերի որոշակի բռնկում ունենք։ ֆեյսբուքյան ուղիղ եթերում հայտարարել է ՀՀ վարչապետ Նիկոլ Փաշինյանը։

Նա տեղեկացրեց է, որ այսօր տեղի է ունեցել պարետատան նիստը, որի ժամանակ քննարկվել է, թե ինչու են սկսել թվերը նորից աճել։ Վարչապետն ասաց, որ դեպքերի աճերի հիմնական պառճառն արդյունաբերական ձեռնարկություններն են. «Մեր դեպքերի 75 և ավելի տոկոսը, նույնիսկ 80 տոկոսն արձանագրվում են արդյունաբերական ձեռնարկություններում և սպասարկման ոլորտներում»։
Ըստ նրա` պարերտատան սահմանած անվտանգության կանոնները պահպանվելու դեպքում , այդպիսի բռնկման դեպքեր, իհարկե, տեղի չէին ունենա։ Վարչապետի փոխանցմամբ` վարակվածության ամենամեծ դեպքերն արձանագրվել են բանկային համակարգում. «Հակաճգնաժամային 9-րդ միջոցառման շահառու քաղաքացիներն իրենց օգնությունը ստանալու համար պետք է գնային բանկեր, որոնք ոչ բոլոր դեպքերում են պատշաճ մակարդակով պահել անվտանգության կանոնները։ Ստացվում է մեր օգնություններով մարդկանց օգնել ենք նաև վարակվել»։
«Երկու ընտրություն է՝ զուտ տնտեսական և զուտ առողջապահական ընտրություն։ Մենք փորձել ենք գնալ հավասարակշված մոտեցմամբ՝ տնտեսական առաջնահերթությունները երկրորդ պլան չեն մղվում, առողջապահական առաջնահերթությունները երկրորդ պլան չեն մղվում։

Կորոնավիրուսի, ըստ էության, նոր բռնկում ունենք, որը շատ վտանգավոր իրավիճակ է, բայց մեր քաղաքականության արդյունքում, ըստ էության, գնաճի առումով ամենացածր գնաճ ունեցող երկրներից ենք աշխարհում»,- ասել է Նիկոլ Փաշինյանը` ավելացնելով, որ իրավիճակը բարդանում է։

Աղբյուր` Փաստինֆո