Փաստ ինֆո

«Միˊ փորձեք Քաջարանը դարձնել քաղաքական խաղերի ու ոստիկանւթյան կամայականությունների թատերաբեմ»,-նման հայտարարությամբ է հանդես եկել Քաջարանի համայնքի ավագանին։

«Դատապարտում ենք Քաջարան համայնքի բնակիչների նկատմամբ կիրառված ապօրինությունները, աշխատավոր քաջարանցու հարկերից սնվող ոստիկանության բռնությունն ու խոշտանգումը քաղաքացու նկատմամբ:

Իրազեկում ենք համապատասխան մարմիններին, որ պահանջատեր ենք մեր քաղաքացիների ոտնահարվող իրավունքներին և արժանապատվությանը:

Կոչ ենք անում ՀՀ մարդու իրավունքների պաշտպանին, իրավապաշտպան կազմակերպություններին, փաստաբանական գրասենյակներին իրավական գնահատական տալ Քաջարանում կատարվող ապօրինություններին ու կամայականություններին»,-նշված է հայտարարության մեջ։

Ավելի վաղ տեղեկացրել ենք, որ Երեւանից հատուկ ջոկատայիններ են մեկնել Սյունիք, որոնք վաղ առավոտյան հատուկ գործողություններ են իրականացրել, ձերբակալել երեք անձի, որոնց նկատմամբ բռնություն է գործադրվել ոստիկանության բաժնում: Անօրինականության դեմ բողոքելով քաջարանցիները հավաքվել են ոստիկնության բաժնի մոտ:

«Մենք դեմ ենք բռնության ցանկացած դրսևորման։ Կոչ եմ անում չտրվել սադրանքների, ստեղծված իրավիճակում լինել ողջախոհ՝ միաժամանակ պահպանելով համավարակով պայմանավորված անվտանգության նորմերը», - ի աջակցություն ակցիայի քաջարանցիների հայտարարել է Քաջարանի քաղաքապետը։

Աղբյուր` Փաստինֆո