Փաստ ինֆո

Թույլ չենք տա ոչ մի բռնություն, որևէ մեկը չի կարող բռնություն գործադրել: Այս մասին Կապանում բողոքի ակցիայի ժամանակ ասել է Քաջարանի համայնքի ղեկավարը, ով նաև մասնակցում է ակցիային:

Ավելի վաղ հայտնել ենք, որ վաղ առավոտյան հայտնի դարձավ, որ Երեւանից հատուկ ջոկատայիններ են գործուղվել Սյունիք` հատուկ գործողություններ իրականացնելու նպատակով: Վաղ առավոտյան սպեցնազն անցել է գործի եւ արդեն կան բերման ենթարկվածներ, եւ ոստիկանության բաժնում նրանց նկատմամբ քննությանը խորթ մեթոդներ են կիրառվում պարտադրելով ինչ-ինչ ցուցմունքներ:

Ըստ տեղեկությունների` փորձ է արվում ճնշել հասարակական տրամադրությունները, քանի որ այստեղ հանրության մոտ նկատվում է դժգոհությունների կուտակում: Ձերբակալումներից հետո խմորումները նոր թափ են ստացել:

Ձերբակալումները և ձերբակալված անձանց նկատմամբ բռնությունն էլ ավելի է մեծացրել հասարակական դժգոհությունները: Սյունեցիները հավաքվել են ոստիկանության Կապանի բաժնի մոտ և բողոքի ակցիա են իրականացնում:

Համայնքի ղեկավարը պնդում է՝ որևէ մեկը չի կարող բռնություն գործադրել և կոչ է անում կապանցիներին միանալ ակցիային:
«Կարող էին զանգով հրավիրել, ծանուցում ուղարկել, այս ի՞նչ մասկի շոու է»,- ասել է նա:

Նա նաև դժգոհություն է հայտնել ոստիկանության արձագանքից՝ շփոթվել են. «Ի՞նչ է նշանակում շփոթվել են»:

Մանրամասները` տեսանյութում:

Աղբյուր` Փաստինֆո