Փաստ ինֆո

Պոմպակայանի խողովակներն այնքան են հնացել, որ ամեն օր ջուրը միացնում են մեզ ու ամեն օր մի տեղ ավարիա է լինում։ Արարատի մարզի Նարեկ համայնքի բնակիչն այս հարցը բարձրացրեց ՀՀ վարչապետ Նիկոլ Փաշւնյանի հետ հանդիպման ժամանակ։

«Արդեն 45 տարվա խողովակներ են։ Խնդրում ենք Ձեր աջակցությունը, որ սուբվենցիոն ծրագրերով լինի։ 4 հեկտարից ավել հող ունեմ, մինչ օրս մի գրամ ջուր չունեմ, արդեն հունիս ամիսն է»,-ասաց գյուղացին։

Վարչապետն էլ ասաց, որ եթե Գառնու ինքնահոսի հարցը լուծվի ահագին կթեթևանա, իսկ պոմպակայանի հարցի մասին կմտածեն. «Երկարաժամկետ առումով պետք է մտածենք այն ձևը, որով գյուղատտնտեսությամբ ենք զբաղվում, մեզ ոչ մի տեղ չի տանելու։ Գյուղատնտեսությամբ զբաղվելու ձևը հեղափոխություն պետք է տեղի ունենա»,-ասաց վարչապետը՝ հավելելով, որ գյուղատնտեսության թիվ մեկ խնդիրը գիտելիքի պակասն է. «Ամեն տեղ ջրի կռիվա չէ՞, բայց էդքան ջրով 10 անգամ ավելի այգի կարելի է ոռոգել։ Պետք է այդ ջուրն օգտագործելու նոր տեխնոլոգիա որդեգրել»,-նշեց Նիկոլ Փաշինյանը։

Աղբյուր` Փաստինֆո