Փաստ ինֆո

Թուրք զինվորականներն ու ոստիկանության հատուկջոկատայինները Էվրոս գետով անցնող վիճելի սահմանին հունական հողի մի կտոր են գրավել (այլ անուն՝ Մարիցա)։ Այս մասին հայտնում է Army Voice-ը ։

Պարբերականի տեղեկություններով՝ թուրքական ուժերն օկուպացրել են հունական Ֆերե քաղաքից ոչ հեռու գտնվող գետի ափի փոքր հատվածը։ Հաղորդվում է, որ ի սկզբանե թուրքական կողմում հայտնվել է մոտ 10 մարդ, որոնք այնտեղ վրան են տեղադրել։ Այնուհետեւ ուժերը սկսեցին աճել: Այժմ արդեն 35-ից ավելի թուրք գտնվում են հունական տարածքում, որը նրանք սկսել են մաքրել անտառից ։

Ցամաքի մի կտորը, որի վրա մշտական հիմունքներով բնակություն են հաստատել թուրք զինվորականները, ըստ էության, ջրաբերուկ է։ Այս վայրում Էվրոսը պարբերաբար փոխում է իր հունը եւ հոսում է մեկ դեպի արեւմտյան կողմ, մեկ՝ արեւելյան: Թուրքիան հրաժարվում է ընդունել, որ Հունաստանը կարող է որեւէ տարածք ունենալ գետից դեպի արեւելք ընկնող մասում, նույնիսկ եթե այն պարբերաբար փոխում է իր հունը բնական ճանապարհով, գրում է Army Voice-ը:

Պարբերականը նշում է, որ վերջերս սահման են ժամանել հույն բանակային աշխարհագրագետ սպաներ, որոնք ուսումնասիրել են տեղանքը պատնեշներ տեղադրելու համար։ Թուրքական կողմին դա դուր չի եկել, և նա տարածաշրջան է ուղարկել իր մասնագետներին։ Ըստ ամենայնի, Անկարան որոշել է պարզապես խլել հողը Հունաստանից, նշում են նյութի հեղինակները:

Հաղորդվում է, որ թուրքական կողմը մշտապես վկայակոչում է ապացույցներ այն մասին, որ այդ հողակտորը պատկանում է իրեն, սակայն հաստատում չի տրամադրում։ Այդ պատճառով Թուրքիան հրաժարվում է քննարկումներից՝ անտեսելով պայմանավորվածությունները, որոնց համաձայն երկրները քննարկում են սահմանային խնդիրները։ «Թուրքական զինված ուժերի ներկայությունը վկայում է ռազմական խնդիր ստեղծելու՝ Անկարայի մտադրության մասին", — ամփոփում են հեղինակները:

Երկու երկրների սահմանին պարբերաբար տարբեր միջադեպեր են տեղի ունենում։ Օրինակ՝ 2018 թվականին այս տարածաշրջանում երկու թուրք զինվոր է ձերբակալվել։ Ընդ որում, Հունաստանն ու Թուրքիան 1955-ին համաձայնագիր են ստորագրել, որը նախատեսում էր հակահեղեղային կառույցների շինարարություններ, որոնք նույնպես կկարգավորեին գետի որոշ հատվածներ:

Աղբյուր` Փաստինֆո