Փաստ ինֆո

Մոլդովայի Ուղղափառ եկեղեցու սինոդը դիմել է իշխանություններին՝ նախազգուշացնելով սպառնալիքի մասին, որը, իր կարծիքով, պարունակում է իր մեջ կորոնավիրուսի դեմ հնարավոր պատվաստումը, հաղորդում է «Ինտերֆաքսը»:

Ուղերձում ասվում է, որ «պատվաստումը միկրոչիպավորման կամ մարդու օրգանիզմում կողմնակի սարքերի հայտնվելու վտանգ է ներկայացնում»: Այդ պատճառով, Եվրոպայի շատ երկրներում հասարակությունը դեմ է պատվաստանյութերի պարտադիր օգտագործմանը, հատկապես կորոնավիրուսի դեմ, քանի որ այն դիտարկում է որպես «գլոբալ հակաքրիստոսների համակարգի համար՝ մարդկանց մարմինների մեջ միկրոչիպեր ներդնելու և նրանց 5G տեխնոլոգիայով վերահսկելու» միջոց:

Պատվաստանյութի միջոցով միկրոչիպավորման մշակման համար պատասխանատու հիմնական մարդը, որը նանոմասնիկներ է ներդնում օրգանիզմում, Սինոդի անդամները համարում են Microsoft-ի հիմնադիր Բիլ Գեյթսին: Այդ կապակցությամբ եկեղեցին իշխանություններին զգուշացրել է, որ կորոնավիրուսից ապագա պատվաստումը պետք է լինի կամավոր։

Վարչապետ Իոն Կիկուն արձագանքել է Սինոդի կոչին, որը նաև քննադատել է կորոնավիրուսի պատճառով ժամերգությունների անցկացման սահմանափակումները, հաղորդում է կամավոր Sputnik Մոլդովան»: Կիկուն խնդրել է Աստծուն տալ նրան «բանականություն եւ ուժ՝ նման բաներին իմաստուն եւ հանգիստ արձագանքելու համար»: «Եկեք լինենք գթասիրտ և հասկացող։ Մեզանից յուրաքանչյուրի հետ կարող է պատահել այնպես, որ մեր միտքը կմթագնի բնազդների եւ գայթակղությունների ազդեցության տակ», — հայտարարել է կառավարության ղեկավարը եւ Մոլդովայի քաղաքացիներին կոչ արել աղոթել «մարդկանց, այդ թվում ՝ պաշտոնյաների եւ եկեղեցու սպասավորների, մտքի պարզության եւ առողջության համար»:

Աղբյուր` Փաստինֆո