Փաստ ինֆո

Ինտիմ մկանները սեռական առողջության պահպանման կարևոր բաղադրիչներից մեկն են:

Սեռական մտերմության վառ գույներն ու զգացողությունները անմիջականորեն կապված են ինտիմ մկանների զարգացվածության հետ:

Վիրահատությունների, որոշ ֆիզիոլոգիական փոփոխությունների (տարիք, հղիություն, հետծննդաբերական շրջան) հետևանքով ինտիմ մկանների տոնուսի իջեցումը կամ դրանց չզարգացվածությունը ժամանակի ընթացքում կարող պատճառ են դառնալ սեռական կյանքի վառ գույների և զգացողությունների նվազման: Շատ կանայք չիմանալով, չկարևորելով կամ ուշադրություն չդարձնելով այս հանգամանքին կանգնում են լուրջ խնդիրների առջև՝ սեռական խանգարումների առաջացում (սեռական ցանկության, հետաքրքրության նվազում, օրգազմի բթացում կամ բացակայություն), ամուսնական աններդաշնակություններ, ընդհուպ մինչև ամուսնալուծություն:

Հետևաբար, սեքսուալ կյանքը երկար հագեցած և ներդաշնակ պահպանելու համար անհրաժեշտ է մկանային համակարգի, մասնավորապես ինտիմ մկանների զարգացվածություն:

Վումբիլդինգ (вагинально управляемые мышцы` ռուսերենից թարգ.՝ «հեշտոցի կառավարվող մկաններ», building`անգլերենից թարգ.՝ կառուցում) - հատուկ վարժություններ են, որոնք նպաստում են ինտիմ մկանների զարգացմանն ու ամրացմանը: Վումբիլդինգը աշխատացնում է ամբողջ վագինալ ուղին՝ հեշտոցամուտքից մինչև արգանդի պարանոց: Այստեղ շեշտը դրվում է հետևյալի վրա. կինը պետք կարողանա զգա և կառավարի իր ինտիմ մկանները հեշտոցի ամբողջ երկարությամբ:

Այս ամենը կանանց հայտնի է եղել դեռևս վաղ ժամանակներից: «Կամասուտրայում» և «Տանտրայում» կան բազմաթիվ հիշատակումներ այս ամենի մասին: Ճապոնական գեյշաները, չին և թայլանդացի կանայք տիրապետել այս փոքրիկ, բայց շատ կարևոր գաղտնիքին, որը թույլ է տվել նրանց անկողնում դառնալ անմոռանալի սիրուհիներ:

Զարգացնելով ինտիմ մկանները կանայք կարող են նոր գույներ և զգացողություններ հաղորդել սեքսուալ մտերմությանը, բարձրացնել սեռական ցանկությունը իր և իր զուգընկերոջ մոտ, մեղմացնել դաշտանային ցավերը, նախապատրաստել օրգանիզմը ավելի անցավ և հեշտ ծննդաբերության, կանխարգելել մի շարք գինեկոլոգիական և միզասեռական հիվանդությունների առաջացումը, ինչպես նաև օգնել ամուսնուն հաղթահարել սեռական մի շարք խանգարումներ:

Հետևաբար, շատ կարևոր է կանանց կողմից այս ամենի իմացությունը:

Վարժությունները ուժեղացնում են սեռական օրգանների արյունամատակարարումը, նպաստում հյուսվածքների թթվածնով հագեցմանը, կարգավորում հորմոնալ ստատուսը, ամրացնում կոնքի հատակի մկանները, լավացնում հեշտոցի միկրոֆլորան և լորձաթաղանթի վիճակը:

Ինտիմ մկանների վարժանքները նպաստում են էրոգեն զոնաների զարգացմանը, թույլ տալիս ուժեղացնել սեքսուալ զգացողությունները, մկանների ակտիվ կծկումները նպաստում են կանանց մոտ օրգաստիկ օղի ձևավորմանը՝ բարձրացնելով օրգազմելիությունը և իհարկե պահպանում սեռական առողջությունը: 

Ինչպե՞ս մարզել ինտիմ մկանները.

1.Ցանկացած վարժանքի դեպքում կարևոր է կարգավորել շնչառությունը:

2.Ինտիմ մկանները մարզելու համար, նախ և առաջ կարևոր է դրանց զգալը անհատի կողմից, որը հնարավոր է հետանցքի՝ անուսի սեղմանի կծկման և թուլացման շնորհիվ՝ առանց որովայնի, հետույքի և ազդրերի մկանները աշխատացնելու:

Վումբիլդինգ վարժությունների նպատակն է կնոջը սովորեցնել հեշտոցի կամ ինտիմ մկանների կամայական կծկման և թուլացման շնորհիվ սեռական հարաբերությունից ստանալ և զուգընկերոջը պարգևել առավելագույն հաճույք ու անմոռանալի զգացողություններ: Միևնույն ժամանակ մի շարք խնդիրների դեպքում ունեն բուժական ազդեցություն (թութք, փորկապություն, դաշտանային ցիկլի խանգարումներ, դաշտանադադարի երևույթներ և այլն) :
Կեգելի վարժություններ –շատ օգտակար են անմիզապահության կանխարգելման և բուժման համար: Այս դեպքում մարզվում է միզասեռական ուղու վերջնական հատվածը՝ հեշտոցամուտքը և միզուկի սեղմանը:

Կատարման տեխնիկա.

միզելիս կեսից փորձել մեզը պահել՝ չօգտագործելով որովայնի, ազդրերի և հետույքի մկանները: Այսինքն, կինը պետք է փորձի պահել մեզը կոնքի հատակի մկաններով: Այս տեխնիկան փորձելուց հետո վարժությունը կարելի է կատարել ցանկացած պահի:
Սկսնակներին խորհուրդ է տրվում կատարել օրական 5 րոպե՝ 3-5 վրկ. ընդմիջումներով, կծկում-թուլացում հաջորդականությամբ, այնուհետև ավելացնել կատարման ժամանակը: Ռիթմը կարելի կարգավորել ըստ ցանկության:

«Мостик» 

Մեջքի վրա ուղիղ պառկած պետք է բարձրացնել կոնքը: Դրան զուգահեռ կարելի կծկել նաև հեշտոցի մկանները:

Ինտիմ ֆիթնեսով զբաղվել սկսելու հստակ տարիք գոյություն չունի, սակայն ցանկալի է հնարավորինս վաղ սկսել և լինել հետևողական՝ պահպանելու համար առողջությունը և սեռական կյանքի որակը:
Մարզումները ցանկալի է կատարել ռեգուլյար, որից հետո արդյունքն ակնհայտ կինի:

Լուսինե Ստեփանյան

Սեքսոլոգների Հայկական Ասոցիացիայի անդամ
բժիշկ-սեքսոլոգ 

Աղբյուր` Փաստինֆո