Փաստ ինֆո

Տեղի ունեցող պրոցեսն իշխանությունների կողմից կազմակերպված հերթական կրկեսային ներկայացումն էր, տվյալ դեպքում՝ այս աճպարարության հիմնական նպատակն էր հանրության վրա դնել վարչապետի ուղտ լինելու ապացուցելու բեռը։ Այս մասին լրագրողների հետ զրույցում ասաց «Ադեկվադ» միաբանության համահիմնադիր Արթուր Դանիելյանը։ 

«Մենք ունենք փաստեր, որ ունենք կենդանի, որ կարող է շաբաթներ շարունակ կարող է քայլել անապատով, ունի կենդանուն բնորոշ բոլոր հատկությունները, բայց մեր իրավապահ մարմիններն այդ կենդանուն չեն տեսնում և պահանջում են, որ մարդիկ ապացուցեն, որ կա ուղտ սենյակում։ Տվյալ դեպքում՝ մեզնից պահանջում են ապացուցել, որ վարչապետի մերձավորները որևէ կապ ունեն այն մաքսանենգության հետ, որն առանձնահատուկ ցինիկությամբ կազմակերպվել է վերջին մի քանի ամսվա ընթացքում։ Խոսքը գնում է ծխախոտի ապօրինի ներմուծման մասին՝ ՌԴ և ադամանդների»,- ասաց նա։

Դանիելյանի խոսքով՝ մենք ունենք ինքնաթիռներ ֆիքսված, ունենք մաքսանենգ բեռ, բազմաթիվ հաղորդումներ, բայց, չգիտես ինչու իրավապահ մարմինները հարցաքննում են ոչ թե օդաչուներին, մաքսավորներին, որոնք թույլ են տվել, որ առանց ակցիզի դուրս գա այդ ծխախոտը Հայաստանից, այլ հրավիրում են այն քաղաքացիներին, օգտատերերին, ովքեր ֆիքսել են դա։

Նա գտնում է, որ, եթե կարանտինի պայմաններում մաքսանենգ ծխախոտ է արտահանվում, առնվազն պետք է կասեցվեր լիազորությունները մաքսային պետի, նույնիսկ հարկային ծառայության պետի և Տաթևիկ Ռևազյանի, որովհետև քաղավիացիան չէր կարող չիմանալ դրա մասին։

«Որևէ քաղաքական քայլեր չեն ձեռնարկել, չեն էլ փորձում պատժել մեղավորներին, ընդամենը փորձում են պրոցեսի պատրանք ստեղծել, որը միտված է իրենց իշխանություններին մաքրել քաղաքական պատասխանատվությունից »,- ասաց Դանիելյանը։

Աղբյուր` Փաստինֆո