Փաստ ինֆո

Բերման ենթարկվածների մեջ կան նաև աղջիկներ, որոնք գտնվում են այլ բաժանմունքում։ Վերջին տեղեկություններով 5 աղջիկ է բերման ենթարկվել։ Լրագրողների հետ զրույցում այս մասին ասաց ՀՀԿ փոխնախագահ Արմեն Աշոտյանը։

«Ակնհայտ է, որ այս կառավարությունը չի կարողացել զսպել վարակի տարածումը, մարդկանց մոտ առաջացել են կյանքի, ապրուստի խնդիրներ։ Երկու ամիս անց մեզ մոտ արտակարգ իրավիճակը պահպանվել է առանց արտակարգ միջոցառումների։ Տեսնում եք՝ քաղաքում ինչ  բարդակ է։ Ակնհայտ էր, որ արտակարգ դրության պահպանումը մեկ նպատակ ունի ընդամենը՝ շարունակել սահմանափակել մարդկանց քաղաքական ու քաղաքացիական իրավունքները։ Ամբողջ աշխարհում արտակարգ դրությունը հանում են, բայց միջոցառումները շարունակում են, մեզ մոտ հակառակն է. արտակարգ դրության ռեժիմը պահպանել են, իսկ մարդկանց առողջության հետ կապված խնդիրները գցում են մարդկանց գրպանը։ Նիկոլ Փաշինյանը երեկ ասաց ապակենտրոն պայքարի մասին։ Դա նշանակում էր մի բան. Ինքնախոստովանություն, որ կառավարությունն իր վրայից ցրել է թեման»,-ասաց Արմեն Աշոտյանը՝ ընդգծելով, որ քաղաքական ու քաղաքացիական իրավունքների նման սահմանափակումները վկայում են այն մասին, որ Նիկոլ Փաշինյանն իրականում խուճապի մեջ է։ Արմեն Աշոտյանի խոսքով վարչապետը հասկանում է, որ հարյուր հազարավոր քաղաքացիներ դժգոհ են իրենից, և սա փորձ է՝ ճնշելու ցանկացած դժգոհություն։

«Նիկոլ Փաշինյանը պարզապես բրախել է ժողովրդին։ Եղունգ ունես, գլուխդ քորի կարգավիճակի մեջ է այսօր ՀՀ յուրաքանչյուր քաղաքացի ու այս ֆոնի վրա ցանկացած քաղաքական, քաղաքացիական իրավունքների սահմանափակում իր իշխանության գոյությունը մի քանի ամիս երկարացնելու առիթ է»,-հավելեց Արմեն Աշոտյանը։

Աղբյուր` Փաստինֆո