Փաստ ինֆո

Գաղափար չունենք, թե կոնկրետ ինչ դրվագով են կանչել ոստիկանություն, բայց ենթադրություններ ունենք, որ սա իշխանությունների կրկեսի հերթական բեմադրությունն է։ Այս մասին այսօր լրագրողների հետ ճեպազրույցում ասաց «Ադեկվադ» միաբանության անդամ Կոնստանտին Տեր-Նակալյանը։

Հիշեցնենք, որ մայիսի 20-ին «Ադեկվադ» միաբանության ղեկավար Արթուր Դանիելյանը հրավիրվել է ՀՀ ոստիկանության քրեական ոստիկանության գլխավոր վարչություն ՀԱՄԱԴՊՎ ահաբեկչության և ծայրահեղականության դեմ պայքարի բաժին դեռևս անհայտ գործի շրջանակներում բացատրություն տալու: Նման հայտարարությամբ է հանդես եկել «Ադեկվադ» միաբանությունը։

Նա նշեց, որ բազաթիվ դրվագներ կան, երբ շատ ծանր հանցագործություններ են արվել, սակայն ոստիկանությունը դրանց ընթացքի չի տվել։
« «Ռեստարտի» խուլիգանախմբի դեպքում որոշվեց, որ խափանման միջոցը ստորագրությամբ չհեռանալն էր, սակայն տեսնում ենք, որ Դավիթ Պետրոսյանը Վրաստան է գնացել։ Անժելա Թովմասյանի «Հայելի» ակումբի հետ տեղի ունեցած միջադեպը, փոխգնդապետի ծեծը, Ջիվան Աբրահամյանի կողմից Բակո Սահակյանի գլուխը քարով ցխելու սպառնալիքը, որոնց համար մեղադրանքներ չկան, իսկ հեծանիվով վրաերթի զավեշտալի մեղադրանքով այսօր մարդ կա, որ 2 ամսով կալանավայրում է...եթե մենք տեսնենք, որ ոստիկանությունը փորձում է ծանրակշիռ, լուրջ բաներ անել և դա արվում է օրենքի տառին համապատասխան, օրենքը հավասարապես կիրառվում է բոլոր միավորների վրա, և ոչ թե միայն Նիկոլ Փաշինյանի ընդդիմադիրների, ապա մենք սիրով պատրաստ կլինենք համագործակցել ոստիկանության հետ»,-ասաց Տեր-Նակալյանը։

Հարցին, այս ամենը կարո՞ղ է կապ ունենալ Արթուր Դանիելյանի կողմից մաքսանենգ ճանապարհով ծխախոտի արտահանման գրառման հետ, նա պատասխանեց. «Իշխանության ցանկացած գործողություն այս փուլում ինչ-որ չափով կարելի է բացատրվել ծխախոտի թեման ցրելով, որովհետև ամեն օր նորանոր փաստեր ենք տեսնում, տեսնում ենք հիստերիկացած Փաշինյան, որ լայվով ասում է ուղտ չէ։ Պետք է ոչ թե ասի հավատում եք հավատացեք, չեք հավատում մի հավատացեք, այլ պետք է լինի քրեական գործ ու արդեն պետք է կալանավորվածներ լինեին։ Ո՞նց է 40 տոննա սիգարետ հայտնվել Ռուսաստանում»։

Աղբյուր` Փաստինֆո