Փաստ ինֆո

«Ես այսօր էլ փողոցներում տեսնում եմ մարդկանց, ովքեր իրար «քթի մեջ մտած» իրար հետ զրուցում են, կարծես ոչ մի բան չի պատահել։ Իմ կոչն է, որ առանձնահատուկ պատասխանատվությամբ վերաբերվենք սոցիալական հեռավորությանը։ Այս մասին այսօր ֆեյսբուքյան ուղիղ եթերում ասաց ՀՀ վարչապետ Նիկոլ Փաշինյանը։

Նա մեծ խնդիր համարեց այն, որ որոշ տեղերում թաղումներն իրականացվում են այնպես, կարծես ոչինչ չի պատահել. «Արդեն դեպքեր ունենք, երբ թաղումները դառնում են համատարած բռնկումների պատճառ»։
Նա նշեց, որ եթե ստեղծված իրավիճակը «չկոտրվի», ապա մայիսի 29-ին կլինի կորոնավիրուսով վարակման 10 հազար դեպք, հունիսի 12-ին՝ 20 հազար իսկ հունիսի վերջին 30 հազար և բազմաթիվ հարյուրավոր մահեր կլինեն։

«Բայց մենք հնարավորություն ունենք նման զարգացում թույլ չտալու, և սա կախված է մեզնից յուրաքանչյուրից։ Կոչ եմ անում տուրք չտալ սուտ լուրերին, թե կորոնավիրուսը չկա, կառավարությունը կամ վարչապետը դիմակի գործ է անում։ Մի հատ էլ ասում են՝ ինչի չեք հերքում, ժողովուրդ ջան, այս ընթացքում ինչ ասես հերքեցինք, ասացին տան վրա 2 մլն դոլար են ծախսել՝ հերքեցինք...վաղն էլ ասելու են մարդ է ուտում ընդմիջման ժամերին, մյուս օրն էլ ասելու են՝ հողերը ծախեցին, ոսկիները ծախեցին...եթե պիտի հավատաք՝ հավատացեք։ Ես այստեղ նստած եմ ինչի՞ համար, դուք ինձ ինչի՞ համար եք բերել այստեղ նստացրել։ Ո՞նց կարող է նման խոսակցություն լինել։ Մի հատ էլ ինձ մեր կողմնակիցները նամակ են գրում, ասում են՝ հերքում տարածեք, 2 տարի է հերքում ենք տարածում, կյանքներս անցնի հերքում անելու վրա՞, ով ուզում է հավատա՝ թող հավատա, յուրաքանչյուրը մտածում է իր փչացածության աստիճանի մասին, որովհետև յուրաքանչյուրը մտածում է՝ ես որ վարչապետ լինեի՝ ինչ կանեի՝ կդնեի կդմփցնեի սաղին»,-ասաց Փաշինյանը։

Մանրամասները՝ տեսանյութում։

Աղբյուր` Փաստինֆո