Փաստ ինֆո

ԱՄՆ-ի Հիվանդությունների վերահսկման եւ կանխարգելման կենտրոնը (CDC) պաշտոնապես հաստատել է երկրի բազմաթիվ երեխաների մոտ հայտնաբերած նոր խորհրդավոր բորբոքային համախտանիշի եւ կորոնավիրուսի կապը: Այս մասին հայտնել է Նյու Յորքի քաղաքապետ Բիլ դե Բլազիոն իր Twitter-ում։

Քաղաքապետի խոսքերով՝ երկրի բժշկական իշխանությունները նախկինում էլ էին կասկածում, որ այդ հիվանդությունների միջև կապ կա, սակայն հետազոտություն են անցկացրել, որպեսզի 100 տոկոսով համոզվեն իրենց ենթադրությունների մեջ։ Ընդամենը Նյու Յորքի նահանգում համակարգային բորբոքային պատասխանի համախտանիշ է գրանցվել 145 երեխայի մոտ, որոնցից 67-ի մոտ արդեն հակամարմիններ են արտադրվել:

Նա նաեւ նշել է հիվանդության նոր ախտանշանները, որոնց մասին բժիշկները նախկինում չեն հայտնել: Բացի արդեն արձանագրված բազմաթիվ բորբոքումներից, բարձր ջերմությունից, փսխումից, ցաներից եւ որովայնի ցավերից, դե Բլազիոն նշել է երեխաների հուզական վարքի փոփոխությունները, այտուցված վերջույթները, կոնյունկտիվիտը, ավշային հանգույցների մեծացումը, ճաքճքած շուրթերը եւ կարմրած լեզուն:

Ավելի վաղ շրջանի նահանգապետ Էնդրյու Կուոմոն հայտնել էր 100 հիվանդ երեխաների մասին: Նրա խոսքերով՝ նրանց մեծ մասը 5-14 տարեկան են։ Ընդ որում, բորբոքային համախտանիշով երեք անչափահաս մահացել է: Նրանց թվում էին 18 - ամյա աղջիկը, 7-ամյա և 8-ամյա տղաներ։

Նման իրավիճակ նկատվում է ոչ միայն ԱՄՆ-ում։ Ավելի վաղ Ֆրանսիայի իշխանությունները պաշտոնապես հայտարարել էին Փարիզում 17 նման դեպքերի մասին։ Այնտեղ բռնկումը կապել են նաեւ COVID-19 համաճարակի տարածման հետ։

Աղբյուր` Փաստինֆո