Փաստ ինֆո

Չինական Ուհանի իշխանությունները 2019 թվականի դեկտեմբերին թաքցրել են կորոնավիրուսի բռնկման մասշտաբների մանրամասները: Այս մասին CNN-ին տված հարցազրույցում ասել է Չինաստանի կառավարության ավագ բժշկական խորհրդական Չժուն Նանշանը (Zhong Nanshan)։

Նշվում է, որ բժիշկն Ուհան է ժամանել հունվարի կեսերին եւ հաստատել, որ վիրուսը կարող է փոխանցվել մարդուց մարդուն: Ընդ որում, տեղական իշխանությունները հրաժարվել են դա ճանաչել եւ տարածաշրջանում կորոնավիրուսի հետ կապված իրավիճակը անվանել են «վերահսկելի»:

«Այն ժամանակ տեղի իշխանությունները չէին ուզում ճշմարտությունն ասել։ Ամենասկզբում նրանք լռում էին, և այդ ժամանակ ես ասացի, որ հնարավոր է, որ մեզ մոտ ավելի շատ մարդ Է վարակվում», — ասել է վիրուսաբանը։

Բժշի խոսքերով՝ ինքը կասկածել է, որ վարակի տարածման ցուցանիշների նվազեցվում են՝ այն բանից հետո, երբ Ուհանում վարակվածների պաշտոնական թիվը՝ 41 մարդ, չի փոխվել 10 օր շարունակ, մինչդեռ կորոնավիրուսի բռնկման մասին հաղորդագրություններն արդեն սկսել են ստացվել արտասահմանից: Նանշանը շարունակում էր հարցեր հղել Ուհանի իշխանություններին, որից հետո նրանք «մեծ դժկամությամբ» տրամադրել են իրական տվյալները. հունվարի 20-ի դրությամբ Ուհանում COVID-19-ի դեպքերի ընդհանուր թիվը հասել է 198 մարդ, երեքը մահացել են:

Միևնույն ժամանակ, բժիշկն ասել է, որ տվյալների թաքցումը տեղի է ունեցել միայն համաճարակի սկզբնական փուլում։ Նրա խոսքերով՝ Չինաստանը դաս էր քաղել 2003 թվականի ատիպիկ թոքաբորբի բռնկումից, որի մասին Պեկինը չի հայտնել մի քանի ամիս: Այս անգամ իշխանությունները բոլոր շրջաններից պահանջել են պատիժների սպառնալիքի տակ տրամադրել վարակի մասին հավաստի տվյալներ։

«Այնպես որ, հունվարի 23-ից, ես կարծում եմ, որ բոլոր տվյալները... ճիշտ կլինեն», - հավելել է Նանշանը:

Աղբյուր` Փաստինֆո