Փաստ ինֆո

Շատ մանրամասներով բացահայտված է, թե ինչ է տեղի ունեցել մարտի 1-ին և դրանից հետո: Այս մասին այսօր հրավիրված ասուլիսում ասաց ՀՀ վարչապետ Նիկոլ Փաշինյանը:

«Ըստ մեղադրանքի, եթե գործը քննող քննչական խմբի ղեկավարը տարածքում կրակված պարկուճները փոխել է, հասկանու՞մ եք ինչ է նշանակում դա. Դա նշանակում է իսկական կրակված պարկուճները չկան , և մենք այսօր հնարավորություն չունենք պարկուճների միջոցով նույնականացնել ու գտնել զենքերը: Հիմա այդ քննչական խմբի ղեկավարը հետախուզման մեջ է, ինչու՞, թող գա պատմի՝ ինչ է արել այդ պարկուճները: Գուցե նա գիտի սպանության հեղինակների անուն, ազգանունները»,-ասաց Փաշինյանը:

Նա շեշտեց, որ մեծ հաշվով պարզ է, թե ովքեր և ինչ շրջանակ է կազմակերպել մարտի 1-ի սպանությունները . «Այո, պետք է գնալ մինչև վերջ ու բացահայտել կրակոցներն իրականացրած անհատներին, բայց պարզ է ովքեր են ապօրինի զինված խմբավորումներ ձևավորել ու մտցրել ժողովրդի մեջ: Այսօր քրեական գործերը հարուցված են, մի մասն ուղարկված է դատարան»:

Փաշինյանի խոսքով, ամենակարևոր ապացույցները կեղծված են քննչական խմբի ղեկավարի կողմից և կարելի է կռահել, որ նա դա իր նախաձեռնությամբ չի դա արել:

«Դա մինչև վերև արվել է: Երբ այն ժամանակ գործող նախագահի օգնականը փաստահավաք խմբի քննության գնացող մարդկանց նկատմամբ ճնշումներ էր գործադրում, ինչի՞ համար էր դա արցում՝ իրականությունը թաքցնելու համար: 10 տարի թաքցված իրականությունը շատ հեշտ չէ 2 տարում բացահայտել: Եթե իրական պարկուճները տարել ձուլարանում մի տեղ ձուլել են, պատկերացնու՞մ եքէ դա ինչ է նշանակում»,-ամփոփելով խոսքն ասաց ՀՀ վարչապետը

Աղբյուր` Փաստինֆո