Փաստ ինֆո

ՀՀ վարչապետ Նիկոլ Փաշինյանն այսօր հրավիրված ասուլիսում անդրադարձել է «Սեռական շահագործումից և սեռական բնույթի բռնություններից երեխաների պաշտպանության մասին» կոնվենցիային ու պատասխանել հարցին, թե ինչ գործառույթներ են իրականացվելու դպրոցներում համապատասխան մասնագետներ ընդգրկելու ու ծրագրեր մշակելու հարցում:

«Կոնվենցիայի շուրջ մեծ աղմուկ կա , թե այլասերում են մեր երեխաներին, ես ուզում եմ մեջբերել դպրոցներում երեխաներին իրազեկելու մասին հոդվածը կոնվենցիայից. «Յուրաքանչյուր կողմ պետք է ձեռնարկի անհրաժեշտ օրենսդրական կամ այլ միջոցառումներ՝ ապահովելու, որպեսզի երեխաները տարրական և միջնակարգ կրթություն ստանալու ժամանակ տեղեկանան սեռական շահագործման ու սեռական բռնության հետ կապված վտանգի մասին, ինչպես նաև իմանան իրենց պաշտպանելու միջոցները` համաձայն իրենց կարողությունների: Նման տեղեկատվույթունը, որն անհրաժեշտության դեպքում նաև ծնողների հետ համագործակցելով պետք է տրամադրվի սեռական դաստիարակության առավել ընդհանուր համատեքստում և հարկավոր է առանձին ուշադրություն հատկացնել վտանգավոր իրավիճակների վրա՝ մասնավորապես կապված տեղեկատվական և հաղորդակցության նոր տեխնոլոգիաների օգտագործման հետ»: Այս ամբողջ պատմությունը նրա մասին է, որ ծնողներին կոչ ենք անում , որպեսզի ծնողներն իրազեկված, ուշադիր լինեն ու հաղորդակցություն ունենան իրենց երեխաների հետ , որպեսզի եթե սեռական ոտնձգության դեպքեր լինեն երեխաները ճանաչեն դրանք ու ծնողներին ասեն դրա մասին»,-շեշտեց Փաշինյանը:

Նրա խոսքով, մանկապղծության դեպքերի տարածումը կապված է նրա հետ, որ պոտենցիալ մանկապիղծները 90 տոկոսով վսստահ են, որ դրա մասին ոչ երեխան կասի, ոչ էլ ծնողը հետաքրքրված կլինի դրանով, քանի որ դա ընդունված չէ:

«Այսօր սեռական բռնության դեպքերի մի հսկայական մասը վերաբերում է երեխաների նկատմամբ սեռական ոտնձգությանը: Դրա մասին չի խոսվում, բա մանկապիղծի համար դրանից ավելի լավ միջավա՞յր, եթե դրա մասին խոսելն ընդունված չէ: Երեխայի կրթութունը լինելու է ծնողի հետ խորհրդակցելով, այստեղ այնքան երեխայի կրթության մասին չէ խոսքը, որքան ծնողի կրթության, որովհետև ծնողի մեջ նման մտավախություն չի՞ առաջանում, եթե ոչ, ուրեմն այդքան էլ մտահոգ ծնող չէ»,-ասաց ՀՀ վարչապետը:

Փաշինյանն ընդգծեց՝ շատ դեպքերում երեխաները չգիտեն այդ ինչ-որ կատարվում է իրենց հետ նորմալ է, թե ոչ , ծնողին դրա մասին պետք է ասեն, թե ոչ. «Շատերին լսելով գալիս ես այն եզրակացության, որ ասում են՝ մեր երեխեքի հետ գործ չունեք, կլինի՝ թող լինի: Սա անընդունելի է: Եվ այո, Հայաստանում ամեն ինչ պետք է անել, որ մանկապղծության դեպքերը բացառվեն»:

Աղբյուր` Փաստինֆո