Փաստ ինֆո

Սուրբ Աթոռում ՀՀ նախկին դեսպան Միքայել Մինասյանը ֆեյսբուքյան իր էջում հրապարակել է «Ստի վերջը» շարքի հերթական՝ չորորրդ տեսանյութը, որտեղ պատմում է ադամանդների մաքսանենգության մասին, ինչին մասնակից է նաեւ Փաշինյանի ընտանիքը: 

Մաքսանենգ ադամանդները Հդկաստանից Հայաստան են տեղափոխվում ու տարվում հայտնի երկու-երեք գործարաններ, որտեղ դրանք դառնում են «հայկական»: « Էկոնոմիկայի նախարարությունը պարտավոր է տալ փաստաթղթերի ամբողջ փաթեթը, թե դրանք ոնց դարձան հայկական։ Եվ այդ ընկերություններին տալիս են հայկական քվոտաները, և հայկական քվոտաների ներքո այդ հնդկական ադամանդները, որոնք դարձել են հայկական, արտահանվում են այլ երկրներ, չասենք՝ որ երկրներ` առանց մուծելու ոչ մի հարկ, ոչ մի մաքսային հարկ, ոչինչ», - ասել է Հայաստանի նախկին դեսպանը։

Միքայել Մինասյանը հայտնեց, որ ըստ պետական վիճակագրության` 2020 թվականի առաջին եռամսյակի դրությամբ Հայաստանում կար 20 միլիարդի ադամանդ։ Իսկ այդ քանակի ադամանդ մշակելու համար պետք է լինի ավելի քան 1400 աշխատող, այն դեպքում, երբ այդ ոլորտում Հայաստանում գրանցված է 400 աշխատող:

«Հետևաբար՝ այդ քանակը անհնարին է անել եղած մարդկանցով։ Հայաստանում, եթե դա անեն, պետք կլինեն մեծ գործարաններ, այդ գործարանները պետք է սպառեն մեծ էլեկտրաէներգիա, հարկ տան 1400 հոգու համար։ Այդ ամենը չկա, կա միայն մի թիվ, որ Հայաստանից արտահանվել է 20 միլիարդի ադամանդ և ոսկի։ Այդ համակարգը ստեղծված է և ղեկավարվում է Նիկոլ Փաշինյանի և Նիկոլ Փաշինյանի ընտանիքի կողմից, որովհետև այդ մարդիկ Հայաստանի միջազգային հեղինակության հաշվին կազմակերպել են միջազգային մաֆիոզ ներմուծման և արտահանման համակարգ»,-շեշտեց Մինասյանը:

Մանրամասները՝ տեսանյութում:

Աղբյուր` Փաստինֆո