Փաստ ինֆո

ԱՄՆ-ում կորոնավիրուսի համաճարակի հետեւանքով առաջացած մսային ճգնաժամի ֆոնին ֆերմերները ստիպված են զանգվածաբար սպանել առողջ խոզերին կամ դիետայի վրա նստեցնել, որպեսզի դրանք դանդաղ աճեն։ Քանի որ երկրում շատ գործարաններ դադարեցրել են իրենց աշխատանքը համաճարակի պատճառով, ուստի միսը մատակարարելու ոչ մի տեղ չկա։ Այս մասին գրում է The New York Times-ը ։

Ֆերմերները փնտրում են խոզերի աճը եւ քաշը դանդաղեցնելու ուղիներ, օրինակ, գոմի ջերմաստիճանը բարձրացնելով, որպեսզի կենդանիները ավելի քիչ ցանկանան ուտել: Հարավային Դակոտայից ֆերմեր Շեյն Օդեգաարդը սովորաբար տարեկան մոտ 15 հազար խոզ է ուղարկում Սու-Ֆոլսի մսի կոմբինատ։ Գործարանի փակումից հետո ապրիլի 12-ին նա դիետոլոգի հետ միասին կենդանիների համար նոր սննդակարգ է մշակել, որը բացառում է սպիտակուցներն ու ճարպերը։

«Շատ մարդիկ կհեռանան գյուղատնտեսությունից, գյուղական Ամերիկայում ինքնասպանություններ կլինեն», — ասել է Մինեսոտայի նահանգի խոզաբույծ Գրեգ Բուրբումը, որը փորձում է գտնել ավելի քան հազար խոզեր սպանելու միջոց: Նահանգում, քանի որ անցյալ ամիս սկսել են փակել մսի գործարանները, ֆերմերային տնտեսություններում սպանվել է մոտ 90 հազար խոզ:

Աղբյուր` Փաստինֆո