Փաստ ինֆո

Այսօր Կառավարության դիմաց բողոքի ակցիա են իրականացրել Եկմալյան հասցեում ապրող բնակիչները։ Նրանք նշում են, որ բազմիցս դիմել են Կառավարությանը, սակայն հարցը լուծում չի ստանում։

«Նույն վիճակն է, ինչպես նախկիները մեզ չէին ընդունում, հիմա էլ մեր սիրելի վարչապետ պարոն Փաշինյանը չի ընդունում։ Ներկայանամ՝ որպես նախկին զոմբի, որովհետև հիմա արդեն հիասթափված ենք։ Եկմալյանի հարցը 15 րոպեի հարց է, սակայն քաղաքապետն երկու տարի է մեզ մատների վրա խաբում է։

Այսինքն` պարոն Փաշինյանն այնքան չկա, որ քաղաքապետն է թելադրում իրեն»,-ասաց ակցիայի մասնակիցներից մեկը։

Նա նշեց, որ Եկմալյան հասցեում ապրող բնակիչները մնացել են փողոցում. «Մենք հիմա երանի ենք տալիս նախկիններին, որովհետև գոնե նրանց մեջ տղա կար...հիմա գալիս ասում են՝ այս երկիրն իմ ընտանիքն է, դուք իմ ժողովուրդն եք, իմ կամքը քարից է...հերիք է էլի, հոգնեցինք այդ ոտանավորներիցդ։ Նենց ոտանավոր պատմեմ կյանքում լսած չլինեք։ Չհասկացա, Հովհաննես Թումանյանը դրա համա՞ր էր գրել «Սուտլիկ որսկանը»։ Այս երկիրը կարոտ է մի հատ կարգին տղու։ Բեմերից, հրապարակից ուրիշ բան ասեցին, հասնում են այս էլեկտրական աթոռին, որն ինչ որ մոգական ուժ ունի՝ լռիվ խփնվում են»։

Ակցիայի մասնակիցներին մոտեցավ վարչապետի աշխատակազմի ղեկավար Էդուարդ Աղաջանյանի օգնականն ու ասաց, որ չորեքշաբթի օրը խորհդակցություն է լինելու քաղաքապետարանի ներկայացուցիչների հետ, և քաղաքացիների խնդիրը նույնպես պատրաստվում ենք քննարկել։

«Անհամբեր ես էլ եմ սպասում այդ պրոցեսին ու լրացուցիչ տեղեկատվություն կտամ։ Վստահ եղել, որ ձեր խնդիրը լուծում է ստանում, չորեքշաբթի օրն անձամբ ես կգամ ու այդ խորհրդակցության արդյունքները Եկմալյան փողոցում կհայտնեմ»,-ասաց նա։

Ակցիայի մասնակիցներն էլ շնորհակալություն հայտնեցին Աղաջանյանի օգնականից ու ասացին, որ նա միակ մարդն է, որ իրենց կողքին կանգնած է եղել.

«Գիշեր զանգել եմ, ցերեկ զանգել եմ, առավոտյան քնից հանել եմ պատասխանել եք, բայց Ձեր ձեռքերում չի եղբայր, այնտեղ մի հոգի կա...»։

Աղբյուր` Փաստինֆո