Փաստ ինֆո

Արտակարգ դրությունը կրկին երկարաձգվում է, որովհետև այն գործիքակազմը, որն անհրաժեշտ է վարակի դեմ արդյունավետ պայքար մղելու համար, միայն հնարավոր է արտակարգ դրության իրավական ռեժիմի պայմաններում։ Այս մասին ասուլիսին ասել է ՀՀ արդարադատության նախարար Ռուստամ Բադասյանը։

«Դուք գիտեք, որ սահմանվում է արտակարգ դրության իրավական ռեժիմով մի շարք գործողություններ՝ ինքնամեկուսացում, մեկուսացում, նաև՝ վերջերս «Արտակարգ դրության իրավական ռեժիմի մասին» օրենքում փոփոխություններ տեղի ունեցան, ըստ որի՝ այլևս հնարավոր են նաև անձնական ազատության սահմանափակումները և հստակ կանոնակարգում են պահանջում, կոնկրետացվել են պարետի գործառույթները, որպեսզի ավելի էֆեկտիվ որոշումներ հնարավոր լինի կայացնել պարետի կողմից և մեկ նորամուծություն, որ ազատ տեղաշարժի սահմանափակումները կարող են պայմանով կիրառվել, օրինակ՝ թույլատրվի որևէ վարչական շրջանի շրջանակներում ազատ տեղաշարժը, բացառապես՝ որոշակի պայմաններ պահպանելու նկատառումներով, օրինակ՝ եթե ինչ-որ փուլում հանրային տրանսպորտը սկսի աշխատել, ապա՝ հանրային տրանսպորտից օգտվել միայն դիմակների օգտագործմամբ կամ հանրային սննդի կետերը պարտադիր որոշակի պայմաններ ապահովեն հանրային սննդի ծառայություններ մատուցելիս և այլն։ Այսինքն՝ պարետն այսուհետ նաև հնարավորություն է ունենալու հստակ սահմանել որոշակի վարքագծի կանոններ, որոնք որ պարտադիր պետք է ապահովվեն ազատ տեղաշարժի սահմանափակման կամ թույլ տված ազատ տեղաշարժի շրջանակներում »,- ասաց Բադասյանը։

Նրա խոսքով՝ փոփոխություններ է եղել նաև ՔԿՀ-ներին վերաբերող կարգավորումներում, որի համաձայն՝ մեկ անձի կողմից մեկ շաբաթվա ընթացքում մեկ հանձնուք կթույլատրվի հանձնել դատապարտյալին՝ բոլոր կանոնները պահպանելու պայմաններում։

Աղբյուր` Փաստինֆո